今日 10:37
今日年廿九，小妹同大家拜個早年！祝馬年進步！三財入庫！股運亨通！事事順利！最緊要身體健康！
上個星期無揀到貨，因為見指數大裂口出嚟之後有似一步到位咁，而作戰室初期都係執下格仔，去到下半場好倉坐住悶聲做一注收工。
今日係半日市喎，12點完場之後就要到周五(初四)先至開市；而A股就今日已經開始放到再下個星期二(2月24日)先至開市；換言之，由今日至下個星期一(23日)止都係無北水。
指數今朝低開後再低走，唔需要期望喺蛇年最後一個交易日指數要做番靚靚，因為今日做嘅係喺臨完場前10分鐘掟隻極小注好倉過年，博年初四返嚟開紅盤。
我細個學嘅「開紅盤」意思係第一口開市價係升之餘，全日都要係升嘅；但後來唔知點解「開紅盤」變咗只係要開市口價係升嘅就可以啦，而如果全日都升嘅話，就變成「紅盤高收」。Anyway，就係一小注好倉傅佢「開紅盤」啦！
坦白講呢啲都真係意頭嘢嚟架啫，一下就夠，而依家9點41分見指數開市之後有喺26500爭扎過一陣，但最後都係未浮得返上去。
都啱呀，就算平時做Swing Trade，都唔會等到指數同指標升到High High時先出架嘛，又拖到臨收市前10分鐘先出，係萬一如果個市呢日半又冧500點嘅話，咁揀得太貼價就唔啱用啦。
再加上，好歹都叫做過三日夜，揀遠啲都不為過。恒指牛(67483)，收回價25950點，同現價有約490點距離，槓桿約38.41倍都已經夠。
其實都唔駛冧500咁多，依家9點50分，指數跌幅略為擴大至跌182點，報26384點，只要再跌多184點嘅話就到26200點，咁嗰層逾2000張期指街貨嘅牛都過唔到年啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
