昨日 10:22
噚日預指數於小時圖20/100線之間上落，所以揀定咗對牛熊出嚟做Swing Trade。
純用五分鐘圖Slow STC(14,3)做Swing Trade嘅話，咁應該最後一注喺下半場2點到2點4個字出淡倉，因為嗰時Slow STC(14,3)上到超買位，持貨至完場前未見Slow STC(14,3)落返超賣位，同前兩日一樣，變陣過夜。
原以為噚日做Swing出嘅第二次好倉都已經夠過份，皆因出嗰隻貨好鬼貼，證價細彈得好高，所以計返都有成倍嘅正數；誰不知過夜呢一注仲有驚喜，指數低開成300幾點，報26640點。及至開市後有見指數向下再壓落去26600點邊皮位但唔穿，不過注淡倉都應該要走人為上。
指數低開後一度穿過26600點，但作戰室今日第一注係出好倉，仲Hold到差不多10點，皆因見26600點呢個位都守得好實，有諗住注好倉hold到五分鐘圖掂到10線為止，只不過未到線之前已經有出「射擊之星」嘅物體，反手都出咗，有部份戰友甚至食埋添啦。
望望月曆，其實今日係蛇年最後一個full day嘅交易日，下個星期一(16日)年廿九則為最後一日(今年無年三十)，同埋嗰日係半日市，所以反而有啲想部署出隻好倉，博新年返嚟之後開出紅盤。但今日都仲係星期五，時間有啲尚早，下個星期一先至再揀隻好倉出嚟。(提我，老娘開始無乜記性)
依家10點8分，指數於五分鐘上出完個「圓頂」之後都係見2662x點呢個位有支持，少少擔心佢個高位一高低於一高，同時底線畫到嘅話，開始出個「平底三角形」出嚟，都係過咗個三角形先至出手；噚日嗰兩隻做咗三轉夠數啦！你睇吓我個圖花到九彩呀！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
