今日 10:21
先睇返前日揀嗰隻恒指牛(58794)先，出倉Plan係用返平時五分鐘圖做Swing Trade嘅方法去做，但由於前日下半場未見Slow STC(14.3)上返超買，帶過夜至噚日上半場終於都見到，所以過夜(58794)走得。
至於噚日隻恒指牛(58158)個出倉Plan就係借小時圖10線企住而出嘅。按噚日Patreon出文嘅時間on top加10分鐘去睇文，跟住再睇番個小時圖，見指數都仲係企喺10線之上，(58158)亦符合出場條件。
持貨至完場前都仲見到指數企於小時圖10線之上，咁同(58794)一樣試吓過晚夜啦。今朝返嚟恒指開跌55點，報27210點，GG啦，指數擺位低於小時圖10線啦，企唔返上去嘅話都真係要搵定Exit位。
作戰室今朝第一注都係以淡倉出動，過線嘛，不過都係偷格仔注啫，極速嘅先偷五分鐘圖Slow STC(14.3)落返去超賣先，行得定嘅先至再換上用小時圖借10線向下打落去，估唔到嘅係，開市唔夠10分鐘，指數已經落到小時圖10線；10點未到作戰室第一注淡倉都已經夠今日下午茶條數。
依家9點52分，作戰室淡倉第一注清嘅清，風箏嘅風箏，都有望住小時圖100線/27000點呢個位，嫌Mark定如果指數喺10點後擺位低於20線嘅話，都要預一預指數可能喺20/100線之間運行。
既然預做Swing，就比定兩隻貨出嚟啦，先比恒指牛(59120)，收回價26885點，同現價有約218點，所以槓桿有成77.5倍，低街貨；至於恒指熊用(63217)，收回價27500點，同現價有約390點，槓桿有約56.5倍，都係屬於高槓桿、低街貨。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
