昨日 11:08
周中放一日假幫個人充充電都真係幾不錯；間中見有新聞講外國嘅工時都開始改變，再唔係以往嘅星期一至五嘅朝九晚六，英國都開始玩「四天工作」，每日返多少少但爭取多一日全休，不錯。但喺奴性甚重嘅香港嚟講，千祈唔好諗。
星期二(10月28日)揀咗隻淡倉出嚟，計劃等五分鐘圖Slow STC(14.3)觸頂向下先至出動。
大約喺11點35分見五分鐘圖Slow STC(14.3)兩線上到超買位，博觸頂向下搖一趟Swing Trade的話，可以偷呢啲位出隻淡倉，如常的超買到超賣咁樣做一趟Swing Trade，或者保歷加頂至底線咁樣行一趟都可以。只係無諗到指數會向下踩返落去小時圖中軸啫。
今朝起身睇新聞，先係見到美聯儲同加拿手都減息0.25厘，繼而一陣中美會埋檯傾下貿易戰單嘢，結果係點更係無人知啦，不過恒指今朝都先高開升199點，報26545點開市。
本身以恒指開市呢口價重新再踩多次熊證街貨，所以喺作戰室都有mark住大方向以好倉為主，但都無揀定好倉撲出，因為呢幾日指數都係玩高開低走，故今日作戰室第一注係以淡倉行先。
依家9點55分，指數向下落返去26400點邊皮位，先收呢注淡倉之後都唔敢太大動作，事關真係無人知中美會傾成點。
10點後見恒指喺五分鐘圖上見指數高開低走後，開始借得到10線位企住，同時整條保歷加通道向上走，夾住保歷加頂線&10天線向上行嘅話；順便借埋小時圖10線企定；再借埋近上方熊證街貨打上去，呢個畫面係咪要博埋兩個老人家傾得成啲嘢咁呢?!
唔理佢哋啦，恒指牛(61381)，收回價26160點，同現價有約365點距離，呢隻係全城最貼價牛之中，為最高槓桿&最活躍。
依家10點21分，恒指喺五分鐘圖上已見借咗10線行緊V型走勢啦，借高槓桿牛快偷一轉都是可以的。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
下一篇：【輪證贏家】無方向唔出倉
上一篇：【輪證贏家】小時圖STC太高啦~
