昨日 10:40
噚日揀咗隻恒指牛(61381)出嚟，借高槓桿牛快偷一轉，所以畫住五分鐘圖嘅保歷加頂線同10線，博指數喺呢個位度夾住，再向上行殺熊證街貨。
噚晚收到戰友喺作戰室PM我話有個假a/c喺Discord add佢，游說佢去開一個a/c再入千幾定幾千蚊美金落個a/c度，戰友更係醒無理佢啦；跟住變招問佢「要不要在一齊」~哈哈！
從來作戰室裏面所有戰友都係用返佢哋自己本身嘅a/c去做trade，亦都無私下叫大家開乜a/c再入錢之類；至於「在一齊」...我一家兩口+隻貓都好幸福，我好愛我家老爺，明未?!(好笑~連我都冒，好心搵個勁啲架啦)
依家9點55分，指數開市後到依家除咗只係偷淡倉格仔之外，都未出到啲咩注，皆因初段見指數於26200點來來回回咗N次，再同小時圖保歷加線咁近，少少係想等指數初段發完吽逗有方向先至出倉，所以到依家作戰室都仲係靜英英。
等到依家10點20分，指數有浮返上去但都係未見方向，五分鐘圖上見指數已經係第五粒燭貼住條中軸線，唉或者今日只係宜聽《早霸王》最後一集(我中學時期其實係《青蘋果紅提子》開始聽電台嘅...)。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
上一篇：【輪證贏家】恒指牛往街貨走
