昨日 11:00
今朝揀咗隻恒指牛(63631)出嚟，純綷借五分鐘圖Slow STC(14.3)出Swing trade + Day Trade用咋，唔好諗到咁大咬同咁複雜。
盡力早出文但都一定唔夠作戰室快。出文後再比多10分鐘時間去睇嘅話，條Slow STC(14.3)已經抽咗上去，作戰室班友仔更係一早做定反手啦。所以，睇文嘅唯有重新再等機會(有嘅，放心)。
今朝比較吸睛嘅新聞莫過於滙控(00005)要私有化恒生(00011)。邊個救邊個it doesn't matter，重點係恒生股價將會一步到位地上到155蚊，然後喺呢個範圍中上落，一直成件事完晒為止。
當然，如果你見到恒生個價股係低於$155，當係$150咁先算，買咗之後等私有化個價食你手貨嘅話，咁都叫做有$5執到架！唯一風險就係單deal唔成事囉~
至於滙控，依家9點44分見股價跌近6%報104蚊。亦都合理，先是通告裏面講明滙控喺未來三季會停回購、而本身恒生PB都唔低，再出溢價買佢返嚟(係需要架，你唔比多少少人哋點解要賣比你?!)即係比勁高估值嚟買恒生返嚟。咁嘅情況之下滙控今日呢個跌幅，其實係合理，反過來又係唔係一個值得吸納嘅時機呢?!等多一兩日先啦，至少睇吓佢條50天線接唔接得實先啦，唔好忘記佢條Slow STC(14.3)唔低架。
至於恒指就高開(?!)3X點之後即向下落，燈都即轉，作戰室今朝第一注淡倉掟咗出去之後見第一層重貨牛終於都清晒，同步五分鐘圖上見指數低位出「錘頭」+Slow STC(14.3)觸底上，作戰室全線反手好倉，到依家10點20分，連注好倉都準備收工/出風箏策略。
再過多兩分鐘，作戰室笑估依家恒指會唔會轉返燈，皆因北水今日回歸，小時圖上亦見10點後嗰支大陽燭，見Slow STC(14.3)兩線保持向上，唯一要小心嘅係絛小時圖20線，過得到嘅咁就有得再向上望返高少少嘅位，同步上破個「平底三角形」。
恒指牛(64196)，收回價26200點，同現價有約460點鉅離，槓桿有約45.2倍，即使用嚟做五分鐘圖裏面嘅Swing Trade，槓桿都足夠啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
