今日 10:35
噚日揀咗隻恒指牛(64196)出嚟，噚日比較遲出文皆因都想睇吓隻滙控(00005)同恒生(00011)咩環境。
以噚日大約10點半左右出文計，五分鐘圖上見Slow STC(14.3)一早上到超買位，(64196)即使槓桿夠可以做到Day Trade嘅，亦都唔係一個適合出場嘅位置。
做少一日Trade唔會餓死嘅，反正喺呢度都唔係日日成功開到倉。依家9點10分，隔晚ADR見跌300幾，依家期貨一樣都係跌緊300幾，若然指數一陣開出嚟口價係大裂口向下跌300點嘅話，先係近牛有可能一下子被收回(頭兩層各有過千張期指街貨架)，與此同時，日線圖畫住嘅上升軌大約263xx點位置，亦都可能一步到位。咁作戰室用嚟玩中線(幾日至一星期)貨仔嘅淡倉，又可以收工，然後大家直接Happy Friday！
恒指完咗U盤開出嚟都只係跌228點，及至開市後指數有再向下，暫時去到依家9點38分止，低位都係見26417點，嚴格嚟講26400至26499點嘅牛證係未全層被收回，但相信都擺唔到幾耐；唔好忘記仲有26300至26399點呢層都係有過千張期指街貨喺度。
「咁指數向下回返落去日線圖嘅『上升軌』係咪又完成一個浪啦?」係呀，前題要「上升軌」接得住條指數先至有得再博多一個新浪出現，以保持一浪高於一浪嘅走勢。
作戰室都係望住呢個位，同步keep住用五分鐘圖嚟爬格仔，但暫時指數一落一上之後喺26500點浮沉。
中線淡倉收割咗要等睇支持；而五分鐘圖就等緊10線向下落到嚟之後，指數會受壓於線下還是keep住265sth橫行。
恒指熊(58811)，收回價26958點，同現價有約540點距離，最貼價熊之中槓桿最高，有約47.2倍。今日新上市所以唔駛擔心街貨住先。
五分鐘圖有見10線唔過指數向下落嘅話就出動，睇吓會唔會再向下行殺牛證街貨。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
