昨日 10:34

【輪證贏家】靜靜地過月尾

噚日揀咗隻恒指熊(69481)出嚟，因為Mark住小時圖可能會出「十字胎」或「身懷六甲」，所以都留意住五分鐘圖指數有無見再沿住保歷加通道底向下再落。

如常Patreon出文後用10分鐘時間去睇文，跟手再睇返個走勢圖，見指數已經離開咗保歷加底線，(69481)未見合適出場位，唯有用返一貫嘅方法：STC Swing trade。

等到大約10點55分，見Slow STC(14.3)兩線已經上到超買位，(69481)當Swing Trade一趟落場；咁即係等返Slow STC(14.3)見返超賣就OK。

持貨到下半場，見指數都只係咬住中軸。少少不耐煩之時恒指忽然下行，推到大約1點20分終於見SLow STC(14.3)兩線開始落到20以下嘅超賣位，及至1點40分開始見Slow STC(14.3)觸底上。望望指數已經入咗第一層過千張期嘅重貨位，的確係會貪心想再博指數向下再衝落去食埋24700至24799點，真重貨牛。不過嚴守策略，所以(69481)都係收割保正數。

今朝如常0830喺作戰室同戰友一齊睇街貨圖都「嘩」一聲，啲牛肥到呢...

不過咁喎，如果今朝望住啲牛證而出淡倉嘅話，就即係你Miss咗個日線&周線圖。雖然噚日指數向下落係失守20線&上升通道底線，不過「十字星」形態守住喺50線之上，仲有要多條10周線接住，大方向整個形態都未改變。所以，牛肥熊出係得，但未必向下再殺到落去；更何況呢三日都跌咗800幾點，比多個說法嚟咩事要再跌落去？要食嘅話不如留返下個月啦！

喺指數吽住就同戰友往個股走，人多圍爐一人一個消息掟出嚟夠晒出到一個劇本，搵個股玩都容易啲。

10點後見指數都仲係得嗰50點都唔知有無嘅位上落中，無咩事今日都唔掂條恒指啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室