5月14日 14:30
今朝揀咗隻恒指熊(51202)出嚟，主要原因都係因為見到小時圖上面，喺今朝首半小時嘅高位出現咗「射擊之星」，所以Pick咗隻(51202)出嚟，兼且以下方10線作為目標。
以今朝出文時間為10點9分，如常用返10分鐘作為睇文時間的話，即於10點19分再睇返走勢圖，見當時恒指於五分鐘圖上重上保歷加中軸，呢個亦都係喺今朝篇文度有提醒大家要小心五分鐘圖Slow STC(14.3)出觸底。
稍等到10點35分，見指數反方向兼出「大陰燭」向下落過返條中軸線，Slow STC(14.3)兩線亦重新向下，(51202)確認出場。
同平時一樣都係用返10分鐘作為入貨時間的話，於10點35分至10點45分期間出隻(51202)，期內(51202)高低位做過0.059元/0.055元，平均買入價為0.057元。
落場後見指數都保持住向下運行，只不過斜度同速度都比今朝高開低走時先嘅慢，不過唔緊要嘅，方向啱就得架啦。
再去到11點見指數喺小時圖上進一步壓向10線。喺午後返嚟見指數再見日內低位，報19072點，對比小時圖同時嘅10線報19075點，基本上指數已經確認到20線位，唔貪心嘅話呢個時侯都可以撈返隻(51202)出嚟收咗佢皮先。
如常的用10分鐘作為走貨時間的話，於1點5分起計至1點15分走*(51202)，期內高低位做過0.062元/0.058元，平均走貨價為0.06元，呢一Round執到嘅格仔唔算多，平均只係3格或5.26%。
其實今日指數高開低走之後，比較大部分時間都係喺+2X點至-1X點呢個Range上上落落，可能聽日係紅日掛，Anyway，正數收工我理得佢呀！
作者阿珊，以技術分析專心玩輪證，唔貪心，努力賺取我家肥貓罐罐。
