5月13日 13:40
今朝揀咗隻恒指熊(56776)出嚟，諗住恒指升咗咁多，喺19000點之前唔向下回都整固一下啦，不過都Set定以五分鐘圖見嗰「平底三角形」穿底線之後先至出。
竟然線都唔穿就反方向上破，仲要向上飆到上過埋19000點，半日高位見19097點，賬面計爭三點將第一層熊證重貨19000至19099點全數收回，但如果將所有熊證拆開的話，就會發現喺19000至19099點裏面，收回價最高嘅其實只係去到19088點，換言之實際上喺19000至19099點裏面嘅熊已經無晒，過千張期指街貨已被吞。
下半場開市見指數向上再高衝多一下，唔駛拆得個熊證咁辛苦，事關午後高衝嗰一下已經見指數上到19109點，不過五分鐘圖上見指數「雙底」頸線出咗嚟，依家1點21分未見指數過頸線嘅，重新再向下回返落去10/20線位置。
換個小時圖見10線又再次搽咗印度神油，今朝開市叫做靠近過下之後再彈返上去，拉到去日線圖仲見指數補咗上年8月中嘅下跌裂口。
知道呢期成交唔弱，港股再上唔係無可能，只係無諗到由4月19日嘅低位16044點上到依家19109點，一個月未夠已經累升3065點，但中間都只係喺18000點附近抖咗大約五個交易日，目前指數有似之前一直升嘅時侯，keep住踩住熊證街貨層嘅同時，同牛證街貨有成500點或以上嘅距離，再係咁落去見20000點架啦喎。
下半場出好倉追升唔係問題，揀到最近而又低街貨嘅恒指牛(57490)，收回價18568點，街貨艱4.96%，貼牛堆中最低架啦，槓桿有約36.6倍，為市場上最高槓桿牛證，簡單啲借五分鐘圖10/20線踩好再跳一跳出，當爬下格仔可以嘅。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
