3月15日 13:56
今朝揀咗隻恒指熊(52324)出嚟，原意都係見指數保持下行，日線圖10/20/100線又未到，小時圖50/100線都未到，仲有位可以偷。進取計劃嘅借指數喺五分鐘圖上唔過10/20線而出淡倉；安全嘅就可以用返Slow STC(14.3)超買到步見觸頂後出場。
以今朝出文時間10點24分，如常的用10分鐘作為睇文嚟計，即於10點34分再睇返個五分鐘圖，見指數喺五分鐘圖上已經Keep住低走於10線，Slow STC(14.3)唔駛講，長期貼住地板咁滯，昏迷一樣，呢啲位硬出淡倉其實問題未至於好大，但要好清楚一件事就係水位未必仲有好多，以五分鐘圖上10點35分嗰粒燭嘅closing16652點計，對比小時圖喺10點至11點期間嘅50線16627點及100線16623點，就計到大約得返30點水位，呢點就要注意啦；而面對住水位唔多嘅時侯，基本上都係得做定唔做兩個選擇嘅啫，做嘅選一係同佢鬥快，換上再高少少槓桿嘅產品從而將個賺幅再拉返大佢；一係就小注拉長時間，博可以用時間換格仔。
Any肥，符合咗出場條件嘅話通常都會出貨，按10點36分至10點45分呢10分鐘落場時間計，(52324)期內高低位做過0.061元/0.056元計，平均買入價為0.0585元。
其實落場後無耐，大約10點50分左右，指數最低見過16603點，剛好出咗「平底」嘅同時，亦都失守小時圖10/20/100線，其後指數於16600至16650點之間呢50點上上落落，於11點40分時見到指數重新向下壓多次小時圖嘅10/20/100線，更於11點50分及11點55分一齊見過低位16591點，穿16600點嘅「平底」出現，午前Slow STC(14.3)於五分鐘圖重新出觸底，好似(52324)要走貨咁。但其實指數經歷咗咁多嘢，佢成個上半場計連中軸都未上破過。
午後見指數走勢都未見有好大變動，換上小時圖見指數喺依家1點5分仍然處於50/100線以下水平，不過保歷加通道則由之前收窄變成橫行，雖然如此，唯指數同Slow STC(14.3)出觸底行Swing Trade嘅可能性仍然存在。
唔貪心嘅趁依家(52354)證價造緊0.061元，平均叫做有2.5格執返個手續費走人可以；守線的話就小心五分鐘圖10/20線先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
