3月14日 13:43
今朝揀咗恒指牛(52070)同恒指熊(61149)出嚟，用小時圖10線作為好淡出倉嘅界線，反正都未見有方向，借線出倉當做Day Trade都好正常啫。
按今朝出文時間為10點14分，如常的用10分鐘作為睇文時間，即於10點24分再睇返個走勢圖。以五分鐘圖見10點25分嗰粒燭嘅收市價為17058點，而小時圖10線見17119點，換言之指數低於小時圖10線，(61149)出得。
如常的用返10分鐘作為買貨時間，即於10點25分至10點35分落隻(61149)，期內高低位見0.062元/0.058元，即平均買入價為0.06元。
期後指數嘅走勢都有見到慢慢向下，係見到比較潮晰嘅下行走勢，未到於以時間換格仔，及至11點打後更見指數低走於小時圖10線，睇嚟呢注淡倉開得有啲安心。
去到下半場開市之後，初段時間都見指數有於17000點附近徘徊，不過同戰友們開咗個市topic叫「如何不失霸氣地拒絕MPF姨姨力Sale扣稅年金」嘅話題之後，半吹水又半睇住個市之下，依家2點13分啦，哈哈，稿都未交But小時圖見依家指數連條中軸都無埋，而保歷加通道口亦保持收窄，Slow STC(14.3)兩線亦都Keep住向下。淡倉都仲有得借呢個Swing向下再落嘅。
如常，目標幾多自己數格仔啦，但借返五分鐘圖嘅10線作為上方量度線可以嘅；而如果想再Hold耐啲，再博日線150線唔過+出「射擊之星」向下嘅話，沽半留半放風箏試下。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
上一篇：【輪證下半Part】你有你橫行
