2026年10月28日
聯儲局開始舉行議息會議，美股周二再反彈，道指低開84點後，一度轉升116點，盤中曾倒跌最多129點，最終仍然靠穩，收市道指報52377，升15點或0.03%；標指升45點或0.6%，報7722；納指升308點或1.18%，報26477。重磅股中，Tesla股價收市再升4%，但阿Man買咗151嘅SpaceX仲未見家鄉，只係升返1.1%。不過AI相關股尤其晶片股同算力股表現唔錯，MU企穩900條10MA後拾級而上，870撈嘅貨，夜盤上埋950樓上，依家可以等埋上返20、50同100MA，目標係970-980。DELL反彈逾7%，終於上返500樓上，均價457.5撈嘅貨坐定粒六，企穩500首個目標係條20MA大約係518。INTC拉到成本90後，噚晚再升3%，企穩咗10MA大約92，目標係101至10。LITE亦彈返5%有多，784嘅貨瞓醒見夜盤上到860樓上，忍唔住868食咗先，樓返806一注，企返條100MA，等920-950，等埋條20同50MA。
ALAB見企返270，就排270補返啲貨，暫時用個280做防守，呢個位係10MA，企返穩就唔可以再穿，擺定止賺贏住等股價重上300樓上，目標係300-320。除咗ALAB之外，阿Man又再買返愛股之一嘅MRVL，企返235喺240上返車，用返條20MA即係236做防守，220條30周線做止蝕，先睇20日線254上唔得返。N至於GOOG同MSFT繼續持有，今晚盤後兩間公司都公布季績，今晚再睇下走勢如何，安全起見，想博業績臨瞓前都要擺返啲止盤做防守，GOOG用返300，MSFT用510，今晚開咗市再睇。睇返成個短炒倉，NBIS均價175嘅貨未見家鄉，不過企返170條10MA，咁就等多幾日，目標係200-220，希望可以打返晒上去全部移動平均線。暫時最樣衰係META，噚晚斯人獨憔悴，再跌咗10蚊去到620，均價640撈返嘅貨，先要睇上唔上得返630條100MA，連100MA都失守，呢下唔係好掂，總之600個防守位不容有失。
NQ噚日手多多，逼近29600，29580多手走去試沽，見唔對路反手喺29618渣返，上到29800/29850落車，夜盤愈升愈有，執筆時已逼近29900。今晚NQ分水嶺29800，29750有條100MA，穿返就下支持29700/29600/29500，上方阻力29900/30000，企返30000條50MA，上方阻力30100/30300。
美國多項數據出爐，10月份會議局消費信心指數4個月來首次回升，從9月的84.2跳升至91.7，遠勝預期嘅81，而9月份耐用品訂單初值增加1.8%，升幅略低過預期的1.9%，期內扣除運輸設備後的訂單增加0.5%，少過預期升0.6%。聯儲局開始一連兩日議息會議，美國10年期債息曾降2.89個基點，至4.9595厘；對息口較敏感嘅2年期債息亦跌3.3個基點，至4.6829厘；兩者其後都回穩。摩根大通資產管理環球定息收入主管Bob Michele預期，美國債市未來12月回報約7%至8%。美滙指數一度升0.38%至102.35，日圓亦跌0.3%至157.97兌每美元。加密貨幣「一哥」比特幣最多漲1.69%，至80722美元。商品市場方面，現貨金價曾升1.21%，高見4065.76美元。東方匯理認為，金價最壞時刻已過，經過上周拋售後，交易員現時持倉偏低將有利於未來幾周反彈，相信金價會回升至約4500美元。紐約期油回落1.83%，每桶收報99.9美元，布蘭特期油挫1.67%，收報113.88美元。
港股昨日偏軟，開市未幾已受A股拖累，反彈之勢被破壞，至午後滙控(00005)公布業績後急跌逾5%，進一步拖累恒指一度跌穿23000，收市報23041，跌170點，成交額只有1783億元，北水再回復淨賣出12.83億元，過去10個交易日，北水累計錄得淨流出295.99億元，創下近五年以嚟最長撤資紀錄。不過至夜期時段，美股反彈，夜期亦一度重上23100水平，今早黑期於23100水平爭持。今早恒指高開42點，升幅一度擴大至逾百點，喺期指結算前，轉倉高峰期，好淡雙方繼續爭持，升幅一度全數蒸發，倒跌18點，其後隨A股回升，半日升99點，報收23140。半日成交額979.91億，北水繼續錄得淨流出6.49億元。
目前大市於22800有初步支持，如守22800至23000，料仍有條件繼續反彈，惟缺乏利好消息刺激，加上成交未能配合，首個反彈阻力為23250-23300，下一阻力23400。如企穩23400，則稍後仍有條件反彈至23500-23600，上周下跌裂口及10日線水平已有阻力。如能企穩23600及10日線，則進一步向上挑戰20日線約23900及24000心理關口。
麥狄文
(徐狄怡‧證監會持牌人)
