2026年7月27日
中東局勢仍緊張，不過巴基斯坦據報探索重啟陷入僵局嘅美伊談判途徑，國際油價高位回落，道指周五一度反彈406點，收市仍升235點或0.46%，報收51947；標指僅彈3點或0.05%，報收7411；納指跌161點或0.64%，報收24975。不單止納指續軟，費城半導體指數挫4.25%，雖然INTC業務見起色，但股價反而喺周五一開市即跌穿100美元，98元雞咁腳走埋半注短炒貨先，今晚再觀察一下情況先再作打算。META仲返半注600美元，仍然係585嘅買盤未做到，繼續用580做防守。MU企唔返上1000美元，周五盤前跌穿975條20MA都係972美元落車先，開前連50MA即係950都唔守，今晚先睇下條50MA會唔會由支持變阻力，企得穩955先再算。
NBIS早就係預咗睇住條20MA做人，213跌穿，210止賺咗，周五晚盤中低見186水平，差一步就見100MA大約180，都係等埋今晚再觀察一下。DELL係幾隻短炒貨嘅唯一生還者，總之DELL唔穿420，之前403撈嘅貨就繼續持有。MSFT仍然係得個悶字，繼續守380，都係坐住先。NQ今晚分水嶺28600，支持28500/28400/28300/28200，上方阻力28700/28800/28900/29000。暫時NQ喺28200-29200區間上落，留意暫時喺幾條移動平均線樓下，要終止調整局面，至少要企穩上去29000水平，炒返高一級去29000-30000整固，否則周線圖成個圓頂出咗嚟，一旦跌穿28000，跌對將會加劇。
美國7月服務業採購經理指數(PMI)初值為53.6，市場預期為51.5。美國6月份新屋銷售按月升1.6%，至以年率計62.8萬間，多過預期的60.7萬間。美國10年期債息曾跌5.3基點至4.65厘；2年期債息降5.1基點至4.309厘，其後跌幅都明顯收窄。美滙指數反覆曾跌0.19%至101.25，其後回穩；日圓最多升0.13%。
港股上周反覆爭持，按周再升401點至24963收市，雖然跌穿5日線，但仍守於10、20及50日線之上，而10及20日線已升穿50日線，早已發出黃金交叉利好訊號，而100及250日線則尚待修復。港股目前仍於數條平均線之間穿梭，並於24800至25300水平之間整固，一旦企穩100日線即約25200水平，料可繼續向上挑戰25500及25700阻力。
值得留意為大市成交在本輪升浪中，未能做到價量齊升，而科指更開始形成一個小圓頂，反映重磅科技股如強弩之末，已乏上升力，有機會拖累整體大市表現。如本周恒指繼續整固，首個支持為24800約10日線水平，而最重要支持為7月17日之大陰燭底部24332，一旦跌穿此陰燭底部，7月份整個反彈浪有機會結束，如本周再考驗24300水平，必要迅速重返10日線，則反彈有望延續。本周四為期指結算日，今日開始踏入轉倉高峰期，料大市周初未必有太大方向，或繼續於幾百點內上落，直至期指結算後，方有更明確方向。暫時上半場仍受制100日線，下半場如企穩25200，則有機會呢幾日再見多個高位。
麥狄文
(徐狄怡‧證監會持牌人)
