2026年7月23日
7月23日恒指收25210點，升318點(+1.3%)，大市總成交逾2300億，指數上升固然可喜，但真正值得記低的係主板成交金額二十大名單，當中紫金礦業(02899)、中國宏橋(01378)、聯想集團(00992)、港交所(00388)今日一齊擠身名單榜上。
估值回歸硬道理
呢個畫面在過去兩個月讓AI硬件股霸住成交榜嘅日子入面，可謂久違了一段時間，但更值得散戶細味留意的，係對照榜內的中芯國際(00981)、華虹宏力(01347)、智譜(02513)、兆易創新(03986)、長飛光纖光纜(06869)等近期大熱股，成交同樣擠身二十大，但股價全部下跌，紫金、宏橋、聯想、港交所這類傳統股，就同樣以大成交擠身榜上，前者以「大成交加下跌」、後者以「大成交加上升」，兩者以截然不同方向收市，現時市場上資金的取態，睇睇成交榜上就一覽無遺，傳統股突然回歸、資金就只純粹「避險」咁簡單？
業績期嘅殘酷篩選
短期嚟睇業績期臨近，市場開始要用企業盈利驗證估值，AI硬件過去兩個月以「估值敍事」令股價不斷擴展，中期報告能否夠支撐現時之估值，華虹宏力市盈率仍逾數百倍，中芯國際亦過百倍，大家不妨為這些企業諗諗，究竟要估值繼續擴張落去，要交出一份怎樣的中期報告，市場和一眾投資者才先會接受？
反觀紫金礦業、中國宏橋這些傳統股，已發出業績預告並明確利潤增長表現強勁，相比之下AI硬件呢邊處境就尷尬得多，若估值過高難免透支了若干年的增長空間，呢個道理應該唔難理解，現時資金係咪已經、唔再賭「估值敍事」可令股價無限擴張遊戲呢，市場永遠就是這樣，當故事講到尾，就要還原返究竟「賺幾多錢、派幾多息」呢條最樸素的硬道理，因此業績期展開，傳統股仍是資金受惠者，當去到8月中期報告揭盅近尾聲時，會係AI硬件與傳統股再次相遇，將為餘下半年爭奪市場資金的再一次分水嶺！
梁健雄
筆者未持有上述股票
編按:作者梁健雄，香港財務策劃人員總工會司庫一職，從事金融業逾20年，曾任職多份報章包括英文虎報、南華早報、華爾街日報等後勤部工作。《炒股讀心》逢每周四跟讀者分享投資心理！
