2020年11月5日

【輪證贏家】現價近熊證街貨

噚日喺[下半part]揀咗隻冷門嘢，就係領展(00823)Call(12364)，等到下晝太約2點50分至3點30分，領展5分鐘圖上SlowSTC(14,3)落到超賣水平，呢段時間(12364)高低位做過0.041/0.037元，平均買入價為0.039元。更重要嘅係，其實喺5分鐘圖上見到領展股價同SlowSTC(14,3)出現底背馳嘅情況，再撞正今日恒指高開逾600點，就當開市15分鐘內走(12364)，按首15分鐘高低位做過0.055/0.047元計，平均沽貨價為0.051元，即係話過一晚夜平均賺幅有30.8%。

今朝恒指高開618點，一殺就殺咗五層熊證街貨，無他嘅，其他人眼中認為係拜登領先緊，但喺同事們嘅眼中就認為，因為螞蟻上市遭滑鐵盧，新一代摧毀級燈神飯腳斌少收返螞蟻嘅退款後，佢嘅資金離開股市所致；唔好話我無講底，佢收到嘅退款將會用作All in ibond，到時燈到個政府點就無人知啦。

依家10點35分，恒指高開後慢慢向下低走，聊天室戰友們先走一轉恒熊，按目前恒指最高做過25577點，再以每50點為一層街貨計，恒指基本上殺到上25500至25549點，呢度夾埋有相當於5116張期指。

日線圖上見恒指保歷加通道口有拓闊情況，今日大裂口高開仲升跌保歷加通道頂，SlowSTC(14,3)亦由此前嘅貼近超賣位至依家回升至追上超買位；加上今日恒指大裂口向上打，就算打咗唔少熊證街貨，但現水平位置都係靠近熊證街貨，牛證最貼價層都要落到24600至24699點先有，以依家11點4分恒指做25472點計，要落返去牛證街貨都爭成872點，再出恒指牛追升都唔係無可能。

恒指牛(54809)，收回價24600點，市場上第三貼價牛證中槓桿最高，低街貨同成交活躍都係另一個賣點，只係略嫌今日暫見粒燭高開低走；更怕嘅係一出「十字星」就麻煩。一如以往，吼恒指5分鐘圖SlowSTC(14,3)回落至超賣水平先好落場。

作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。

FB/IG/Patreon/秒投聊天室：輪證贏家