• 恒生指數 22855.85 438.90
  • 國企指數 7698.51 137.76
  • 上證指數 3577.60 10.23

今日 10:22

輪證贏家丨恒指踩晒入牛證街貨

噚日出文時見指數都未有方向,咁啱有會員提問隻蒙牛(02319),所以走咗去睇個股,執埋隻蒙牛Call(16106),不過都講到明要借得住小時圖10線先至好出動,皆因日線圖上見股價同10天線距離太遠,即使股價可以再借10天線企住再出一浪高於一浪上行,但係未出現呢個樣之前,佢回落10天線呢段時間走嚟捱隻Call會好傷。

今朝指數再落到23000點位置,一早喺作戰室裏面講定呢個位點都會打一打攻防戰,好笑嘅係八掛一下隻蒙牛,日線圖上暫時有見股價向低走到22.16元,同今日嘅10線位22.148元相若之後出咗勁長嘅下影線出嚟,如同噚日所講股價要再上嘅話,借落10線踩一踩先去嘅可能性係高,但唔預佢咁樣出個「吊頸」樣出嚟囉...

都係先唔好笑圖,皆因暫時睇返【輪證贏家】裏面出動到嘅注成績都仲係麻麻地,暫時計都只係得45%正數增長,睇嚟都要再努力啲(雖然喺作戰室已經好努力每日盡維持正數)。

依家9點46分,恒指數向下落到大約2295至2296之間有似出咗築底,作戰室今朝順U盤同街貨方向出嘅第一注淡倉都先收點數以保安全。

其實喺小時圖上見保歷加通道口有拓闊,所以作戰室依家係等睇指數會唔會向下過到呢個築底位再落,有嘅先至再追;無嘅話,今日指數10點前都已經清咗首三層牛證街貨,maybe都收夠籌。

恒指熊(54756),收回價23638點,同現價有約670點距離,已經係全場最貼價嘅熊,槓桿有約32.3倍,低街貨兼成交活躍。

回頭望一望我家肥貓有無用新張珊瑚被保暖後,再睇返個市,指數都向下入到重牛區,作戰室今朝一開閘搶嘅淡倉仍在手;疊加早兩三日出埋隻恒指無腦Put都轉陣出風箏策略。

上面隻熊等彈高出都可以嘅;但喺等嘅時侯如果你手痕嘅話,恒指牛(56315),收回價22488點,特登借22500點做上方量度線嘅,而呢個位同現價有約482點,槓桿有約38.9倍,為同一收回價中最低街貨嘅牛證,但呢啲都係偷吓格仔,借到五分鐘圖Slow STC(14.3)做一趟觸底嘅Swing已經好好啦。

作者阿珊,以技術分析玩輪證,唔貪心,努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法,請往Patreon搜尋「cbbcwar」;《傻寶不懂的技術分析》系列已於Google Books Store上架,可免費試閱。

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及/或該等控股公司的任何附屬公司、或其資訊來源及/或其他第三方數據供應商均竭力提供準確而可靠的資料,但不能保證資料絕對無誤,且亦不會承擔因任何不準確或遺漏而引起的任何損失或損害的責任。

建議瀏覽器: Chrome, Firefox, Safari, IE9或以上

信報財經新聞有限公司版權所有,不得轉載。
Copyright © 2026 Hong Kong Economic Journal Company Limited. All rights reserved.