今日 11:00

輪證贏家丨直接等放飯

噚日揀咗隻恒指熊(55159)，只係諗住用嚟做Day Trade啫，借個五分鐘圖Slow STC(14.3)觸頂向下走一趟，呢注走貨位都真係大把時間，唔似平時急急腳走人，平均有11.63%正數都夠買個Lunch啦。

呢注貨亦都無mark底到要過夜嘅，因為揀嘅時侯都係以Day Trade為主；但如果你有淡倉過咗夜嘅話，今朝見到跌22點開市嘅時侯應該處於想鬧與唔鬧之間，及至開市見大陰燭向下插落去，同今日嘅天氣有啲似：爽！

今朝作戰室見到跌22點開市，五分鐘圖上啲指標擺位都處於中軸水平，所以都係等開市之前有見指數向下衝先至順力向追出淡倉；如常地10點前乜倉都清晒，先收第一注正數先，之後玩唔玩都無乜所謂lu ~

10點後有見小時圖條中軸都穿咗，而指數亦都落返去靠近牛證街貨層，但作戰室暫時都未再繼續硬追落去，等嘅係日線圖10天線(約24840點)同小時圖50線(約24804點)呢個範圍會唔會無啦啦接住指數。

向下過得到線再入重貨牛更係最理想嘅走勢啦，只不過指數唔穿你都吹佢唔脹。

既然指數都無乜特別(佢可能都收工㗎啦)，又反正今日下晝都會同強少繼續做YT Live，捉定隻個股做定功課先；寧德(03750)。

坦白講望咗佢幾日都有喺500蚊度企住，而Slow STC(14.3)都一早出咗觸底嘅，但遲遲都唔拎佢出嚟係因為連最近嘅10線都未掂到，如果要要求佢企返上10線先至有出倉條件嘅話，可能喺星期尾先至知答案。

寧德牛(55290)，收回價480元，同現價有約21.5元應該都夠安全，呢隻牛喺市場上為第三貼價牛，槓桿有約14.1倍，低街貨。

如果換成做Day Trade嘅話...小時圖依家保歷加通道橫行中...唔係唔得嘅，不過呢隻嘢都真係要等多陣囉。

市又無方向，個股又要等，不如直接等放飯囉。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。