今日 10:21

輪證贏家丨恒指牛先向10天線宣戰！

上個星期五(18日)無揀到貨出嚟，皆因出文時指數都卡住喺2478呢個位卡咗大半個鐘，唉~ 無方向又點能硬出倉呢?!作戰室有無貨都好，都只能呆等。

望望月曆，今個星期五(25日)就係中秋節，你公司可能會早放但港股喺中秋節係無半日市呢件事嘅；再到下個星期二(29日)就期結日，即係眨吓眼，今年嘅Q3又就嚟完結，準備進入Q4啦。

今朝指數以微跌2點開市之後就即刻見跌轉升，作戰室喺開市之後見到指數向上有得追見比注好倉出去，10點前有見指數上到2488x點位置，數過第一注都有50點收到返嚟，叫做第一注爬完格仔，先收正數之後再睇10點後五分鐘圖條保歷加通道係拓闊，還是底線向上仲未知，不過知道嘅係喺日線圖上指數有似要爬返上10天線。

10點後有見指數開始定於高位唔多郁，所以都喺作戰室度講定清咗第一注收咗正數之後，第二注貨再出之前先要確認指數係借到保歷加通道口拓闊而行單邊，還是同SLow STC(14.3)一齊出Swing走勢；仲有第三個方向係以目前10點8分見指數約於2485x點運行 VS 10天線(24888點)之間有約30至40點距離，若然指數喺稍後時間都只係Keep住喺呢個範圍做上落嘅話，咁可以做住嘢先。

如果單純以五分鐘圖嚟做Day Trade的話，咁出Swing嘅次數點都係會比小時/日線圖嘅多，按住依家10點11分有見指數同五分鐘圖10線開始靠近，又保歷加底線開始見橫向

假設10線接得住指數而又配得到日線圖嘅Slow STC(14.3)觸底上+向住近嘅熊證街貨方向打上去嘅話，咁恒指牛(58126)，收回價24528點，同現價有約354點距離，槓桿有約50.8倍，記住借得到五分鐘圖10/20線踩得住先至

好衝出去；安全嘅用返五分鐘圖SLow STC(14.3)觸底上先至出亦都可以。

呢注好倉一出就係等同向10天線宣戰㗎啦！

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。