昨日 10:58

輪證贏家丨唔同策略配唔同條款

上星期五無到貨出嚟，因為出文時都睇住指數過唔過到小時圖中軸，還好11點後有見上得到，見上過線而好倉自己都有出到嘅話，唔過Lunch計都有一個鐘玩。

其實喺作戰室除咗Day Trade之外，都有一班戰友同步用個周線圖，甚至係月線圖嚟做一啲比較中長線嘅部署，事關大家都唔係日日可以坐喺電腦前面做Day Trade，忙起上嚟都真係有個幾星期唔見人，或者朝早打個招呼之後又去做返嘢都唔出奇。到時間再多返少少嘅時侯先至再埋返位一齊做Day Trade，但咁樣都係無阻條中長線飛㗎嘛。

其實成個8月大家都望住周線圖上嘅「擴散三角形」頂線倒底會唔會穿得到，等咗一個月見指數貼住頂線運行，終於今個星期開始見到有觸頂下行嘅情況；但如果Slow STC(14.3)兩線能夠配合一下就更加好啦！

至於今日Day Trade方面都係揀咗出淡倉行先，雖然去到10點後都有見五分鐘圖嘅保歷加通通道整條已經向下運行，同時Slow STC(14.3)已經出緊觸底向上，不過喺呢度如常用返小時圖去睇嘅話，論技術走勢同指數擺位，都仲係出淡倉比較着數，只不過係要借返五分鐘圖嘅走勢嚟出倉啫。

恒指熊(64182)，收回價25700點，同現價有約360點距離，槓桿有約52.8倍，用嚟做Day Trade嘅。進取嘅見五分鐘圖10線都穿唔到嘅話，就先至掟貨出去借小時圖Slow STC(14.3)博落到超賣位；安全嘅用返平時五分鐘圖Swing Trade，即Slow STC(14.3)見觸頂向下先至出動。

如果係諗住用個週線圖嚟出注飛做中線嘅話，呢隻唔啱用㗎，揀返遠少少收回如(57633)，收回價26100點，同現價有逾700點距離，槓桿約30.9倍。

唔同策略係需要配唔同條款嘅輪證先至得㗎。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。