昨日 10:20

輪證贏家丨恒指熊博小時圖觸頂成功

噚日揀咗隻恒指熊(59976)，用五分鐘圖嚟做一趟Swing Trade，皆因呢隻熊證噚日揀出嚟時個槓桿係夠做嘅，所以呢一注持貨大約一個鐘到，平均都有13.25%進賬。

今朝恒指開升61點，爭兩點就踩入26000點位置，擺位上係近上方熊證街貨層，所以今日作戰室第一注都係出好倉，博指數向上再殺熊證街貨；但由於啲技術指標唔係太就指數上行嘅關係，暫時都只係爬住點數先。

喺作戰室出緊好倉，數緊點數爬格仔嘅時侯都已經見到指數上到保歷加頂線之後，有似掂一掂線就會出觸頂咁款；再等到依家10點58分，Slow STC(14.3)兩線已經見到於超買位%K線低走於%D線，又以首半小時恒指高位26060點同小時圖保歷加頂線26064點比，只係爭4點。

所以喺10點後確認小時圖保歷加通道口無拓闊之下，捉觸頂Swing Trade出現而反手出咗淡倉，向下先望五分鐘圖20線，逐線逐線向下打落去之前，比一比25900點呢個位一做個下方量度線。

噚日隻(59976)...要用唔係唔得，但佢嘅收回價係26200點，同現價得返300點都唔夠嘅距離(所以今日見有過百倍槓桿)，自己動作快少少啦；安全啲嘅話可以睇隻恒指熊(59359)，比多200點位，收回價26400點，同現價有逾400點距離，槓桿有約59.2倍都夠做Day Trade㗎啦，低街貨+活躍。

先留意25900點呢個位支持力係咪咁強，穿得到嘅逐線逐線向下打為原則再向下望落去啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。