昨日 10:38

輪證贏家丨恒指牛爬住格仔先

多得隻白海豚，呢兩日啲天氣都真係熱到痴咗線，但更痴線嘅係啱啱嗰星期六同咗個中同勇闖迪迪尼樂園，仲要係中午12點開始玩，冰水、遮、防曬、毛巾、濕紙巾、電扇做足準備，去到下晝3點頂唔順入咗小小世界涼冷氣，睇完巡遊收隊，因為夜晚約咗朋友食飯，周日抖完一日之後到今日都仲好似未回晒氣，又塊面又燶咗少少...姨姨老了...但辛苦喺室外工作嘅所有人(not only迪迪尼嘅員工，but also所有清潔、地盤等等嘅人)，真係唔容易。

睇返個市先。上個星期五(8月7日)無喺呢度揀到貨出嚟，只係喺作戰室同戰友們玩Swing；還好下半場出咗注好倉時間爬格仔。及至今日應該睇住個日線10/250線爬唔爬得返上去，結果開升已經企得返。

依家10點13分，作戰室今朝Plan出好倉，而so far亦都係得一注好倉但已經任務完成咗，因為25800至25899點嘅熊證已經全數被收回。

下一步就係等五分鐘圖嘅10線上到嚟指數前，就睇吓指數企唔企得住條線，企得到嘅話就好倉再推多次，博指數於10線同保歷加頂線向上Swing Trade搖住上；否則淡倉出動捉向下落返去超賣嘅Swing Trade。

而小時圖上暫時有見指數高位25899/25895點，爭四點又未count得佢做平頂嘅，但下方50線做量度線應該問題唔大。

依家10點24分，如果呢個位借25900點前出阻力而去隻恒指熊(59976)，收回價26200點，同現價有約321點距離，槓桿有約64.7倍都知係Day trade用嘅熊仔，作戰室都一齊反咗手出淡倉，但用五分鐘圖嘅平均線，逐線逐線向下打落去先，記得小時圖50線位都要留意住呀。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。