8月3日 11:07

輪證贏家丨26000點打攻防戰

上個星期五(7月31日)有睇到隻建行(00939)，仲揀咗隻建行熊(60714)出嚟，諗住Set上方小時圖20線做量度線，睇吓有無得順小時圖Slow STC(14.3)向下。不過喺小時圖上有見股價仍然貼住小時圖嘅20線位，淡倉出唔到嘅同時，等到下半場已經見返Slow STC(14.3)觸底上，所以呢注貨根本都出唔到。

唔緊要，反正作戰室呢兩三日都係某定注中長線嘅貨嚟出，但目前日線圖+周線9月線都只係剛剛企喺啲關鍵位上，圖就畫定晒，都真係要等睇佢點行就拎邊個預測圖出嚟博再開倉。

至於即市嘅，今朝同個身在加拿大準備返港嘅中同Signal中，因為條友依家滯嚟咗喺Calgary，但都無阻我同戰友們一齊出倉，今朝當然係先順U盤出去殺咗26000至26099點嗰層過千張期指街貨熊之後，再反手淡倉做返平時嘅Swing Trade啦，所以依家10點16分作戰室淡倉有在手，向下逐級逐線咁數住啲位置，睇吓條恒指到邊個位見停就落車。(依家10點20分，作戰室連淡倉都清埋)

而小時圖上就見到指數今朝高位出咗「十字星」之後向下落到10線位，未踩到20線嘅，Slow STC(14.3)兩線向下，同時保歷加通道口有見收窄中；更重要嘅係，喺小時圖上有見到指數同Slow STC(14.3)出現背馳。

用返平時睇圖，即依家整條保歷加通道向上兼通道口收窄，咁即係指數係仍然有條件出現Swing Trade，問題係中軸線接唔接得住，咁真係要等11點打後先知。

乃念中軸接住指數接咗咁耐，如果11點後佢仍然如之前一樣守得穩條中軸線嘅話，咁恒指牛(69451)，收回價25500點，同現價有約373點距離，槓桿有約48.8倍，Day Trade用only，疊加埋依家(10點34分)嘅五分鐘圖睇吓有無觸底做。

無嘅話，咁隻(69451)都可以當平時Swing Trade用嘅。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。