昨日 10:41

輪證贏家丨呢兩日好難坐得定

尋日揀咗隻恒指熊(68695)出嚟，都已經疊埋心水只能用五分鐘圖做Swing Trade。只係無諗到要等Slow STC(14.3)上返超買位係要等到上半場完場前，而再等Slow STC(14.3)兩線到返超賣位係要等到下半場完場前；最擺命嘅係，Slow STC(14.3)郁啫，有時都唔等於指數會同佢一齊郁，所以呢一注平均嚟講都係見負數。

「下?!跟住Slow STC(14.3)做Swing都唔得?!」你要知道呢個世界無一種分析係永遠100%唔會出錯，包括技術分析，電腦盤都會有冧機嘅時侯，即使出現嘅機會偏低，但真係唔等於佢唔會出現；但放心呢啲又唔係常見嘅，以我個人經驗計，一年大約都係5至10次嘅範圍之內。

又咁講，數住幾日見小時圖同日線圖都出到咁勁嘅阻力，心癢癢都真係想試多一次出淡倉過夜，所以喺噚日臨收市前10分鐘，喺作戰室揀咗隻遠熊過夜；坦白講我真係好少、極少帶貨過夜。

落場唔多唔少都真係要啲運氣，早兩日都知自己無乜運，所以注過夜遠熊都有喺作戰室講明自已黑仔；但睇嚟雨過都真係會天晴，今朝指數裂口低開之後，及至開市再往下走返落去248先嚟縮出下影線，過夜遠熊先收割；同時喺星期一放定一隻舜宇好倉喺Patreon度，今朝睇返佢逆市造好，所以都已經係作戰室同Patreon度提提有貨嘅可以先收正數。

嚟到依家10點9分，作戰室Day Trade本來係Plan住出淡倉追落，如常的mark住大約三至四個check list，剔得到嘅就做，剔唔到嘅就等個市行一陣之後，按返即市嘅步伐重新再度過；所以今朝Day Trade嘅第一注係變陣去好倉。
再嚟到依家10點19分，小時圖上見指數目前於中軸線游走中，而五分鐘圖上剛剛嘅10分鐘指數就反方向衝落咗成百點，咁追都唔係辦法，唯有諗過方法試吓坐唔坐得到耐少少。

借小時圖20線做界線，偏向出淡倉因為指數依家擺位又再次近返下方熊證街貨，同時小時圖Slow STC(14.3)兩線保持向下。

所以，恒指熊(55616)，收回價25400點，如果小時圖20線係確認穿得到嘅話咁先到出動，向下追埋小時圖嘅Slow STC(14.3)到超賣位；依家見整條保歷加通道都橫行，Swing Trade係出現但問題係過得到中軸線就入保歷加下降通道，咁先至有得再向下扯落去。

依家10點27分，麻煩在於依家指數用大約10至15分鐘來來回回抽100點位，好難駙人有心坐得定；坦白講100點唔少㗎！

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。