7月6日 10:22

輪證贏家丨兩個原因出DT好倉

上星期五揀咗隻恒指熊(63771)，貪佢夠遠之餘仲有一定嘅槓桿倍數，即使用嚟喺五分鐘圖Slow STC(14.3)出一趟做Swing Trade向下都夠做。

喺等緊恒指完U嘅時侯睇緊英格蘭，哈哈，都真係一心不能二用，先專心喺作戰室同戰友們睇咗個開市先，Plan定咗好倉追出去嘅，但今朝甫開市真係chok到嘔，即使Plan好咗指數亦大約都有跟住咁行，但3分鐘唔夠推100點呢個速度，除咗一早Set定電腦落盤之外，我諗手快極都未必落得切，睇多陣波好過。

去到依家9點56分，作戰室先用paper trade試完好倉方向之後先換上實倉，指數到依家好似打咗鎮靜劑啦，同時方向都有亦捉得返，出好倉得兩個原因：1.指數依家企近上方熊證街貨層；2.小時圖唔止有「上升通道」喺度，仲有10線接住指數。

恒指牛(68536)，收回價23000點，同現價有逾500點距離，夠安全，而槓桿亦有55.52倍，Day Trade無問題，但問題在於依家五分鐘圖上嘅Slow STC(14.3)都已經上到天花，硬追好倉得一個條件就係五分鐘圖嘅保歷加通道口要保持拓闊，Keep住比條件Slow STC(14.3)出超買再超買同單邊上，否則Swing Trade有條件出現，咁就要等下一輪觸底上先至出到好倉啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。