6月16日 10:34

輪證贏家丨又落返去牛證街貨層嗰邊啦

噚日揀咗隻恒指熊(55216)出嚟，Mark住都只係用五分鐘圖嚟做一趟向下嘅Swing Trade，呢一注都快嘅持貨大約個零鐘左右，平均都有5.08%進賬。

如果呢一注貨有過到夜嘅話，爬嘅格數應該比噚日單日嘅多，只不過作戰室向來格仔嘢都係即日鮮；當然佢哋都有啲中長線嘅輪證在手，借日線/周線圖玩啦，只不過唔同嘅策略有唔同嘅輪證做配備啫。

10點未到作戰室淡倉開完再食埋兼準備再開第二次，皆因指數向下入到牛證第一層24500至24599點，呢一層有相當於818張期指街貨，雖然唔係重貨牛，但比起上面啲熊...呢一層牛已經叫做營養豐富。

恒指熊(56699)，收回價25050點，同現價有約400點距離都夠用，槓桿有約52.4倍，Day Trade爬格仔嚟講亦都一流。

如果到你睇完文之後，見指數於小時圖上有穿得過條中軸線嘅話，未到保歷加底線之前，借返之前有個裂口位嚟做下望量度線先；或者Slow STC(14.3 )見超賣位亦可；甚至睇住牛證街貨嚟向下打落去啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。