6月5日 10:22

輪證贏家丨方向未見 提早收工

噚日揀咗隻恒指熊(68024)，小注出動純往小時圖Slow STC(14.3)兩線都食晒入超賣啫。

噚日朝早有其他嘢忙緊，所以出文後到再睇文都已經10點45分左右，還好之後指數都有再向下，只係速度無開市初段咁勁。呢一注都有正數嘅，只係無諗到呢注可以揸到完場，因為去到完場前見小時圖嘅Slow STC(14.3)兩線都keep住喺超賣個位，即使觸底上但兩線數值仍然低於20，即超賣位。

如果呢注貨hold過夜嘅話，今朝開市見指數跌67點後，齋睇點數覺得無乜嘢，但見指數擺位再次走入牛證第一層街貨層，而且呢一層亦都係重貨位，所以(68024)基本上有過夜嘅話，今日返嚟慢慢搵位走都可以。(但【月度報告】會以唔過夜注計算)

係嘅，不論過夜淡倉還是即日淡倉，大家望到個牛熊證街貨圖，都會覺得下方嘅牛證係吸引嘅，但到依家9點49分，五分鐘圖上見四支燭出有三支到過25114/25115點呢個位之後就抽上去，10點未到喺五分鐘圖出咗個「三角形」出嚟，咁點搞呀?!

換個小時圖都係煩，因為以指數暫時高位25216點計，剛好低於小時圖條頂線25217點，睇埋保歷加通道口拓闊，同埋Slow STC(14.3)有似出超賣再超賣，好似呢個圖嘅值博率高啲。

再到依家10點17分，見五分鐘圖都未有方向，只係出咗個「長方形」出嚟，唔上唔落；唉 ~ 算啦，今日都係Happy Friday收工啦！

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。