昨日 10:37

輪證贏家丨五窮六絕會出現?!

上星期五揀咗隻恒指熊，文末指用爬格仔mode出動追五分鐘圖嘅向下Swing Trade呢一趟；但可惜呢一注比作戰室出嘅淡倉遲得多，又之後見Slow STC(14.3)觸底上嘅速度好快，嗰邊正數反而呢邊出現平均少輸0.5格或1.75%；咁當然之後喺作戰室都反手好倉再出啦。

總結5月，港股都算係應驗咗五窮，月內累跌594點；傳統上，五窮出現嘅話，咁6月會見見絕。

作戰室今朝如常喺開市之前睇返上個星期啲走勢圖同埋今日嘅牛熊證街貨圖；但由於今日係星期一亦係月頭，所以都會睇埋周線同月線圖。從呢兩個圖上見到嘅技術分析都有似指數保持向下走；「反彈再沽？」戰友問到，當然可以啦！又即管睇吓指數彈到去邊。

今朝恒指微跌2點開市，呢個點數唔足以夠量度方向嚟準備開乜倉，不過都有喺作戰室講定指數開市個擺位都有靠近上方熊證街貨；有定心理準備之下喺開市後1分鐘終於決定出好倉，仲要一嚟就借小時圖中軸嚟出倉，博嘅係指數可以借到小時圖嚟出好倉啫。

估唔到嘅係10點未到，指數已經撲到上25400點，文都未出作戰室已經食咗今日第一注貨。

10點未到有見五分鐘圖上嘅保歷加底線開始橫向，指數衝上25400點之後未見企穩，開始重新向下走，如果繼續借小時圖嚟做向上嘅話，我估出到文到你再睇完之後，已經10點幾，隨時10點半，到時Slow STC(14.3)兩線應該會雙雙入到超買位，同時指數亦有可能同上方嘅50線擺位近，到時留意指數過唔過得到50線先至決定出唔出好倉再追，最主要係因為保歷加通道口收窄。

恒指牛(64481)，收回價24828點，同現價有約550點距離夠安全，槓槓有約42.3倍，進取嘅留意五分鐘圖10線守得住指數向上而出；安全嘅，用返平時Slow STC(14.3)回落到超賣位出觸底上時先至出動，有得順返Swing Trade走之後先至再拎返個小時圖出嚟啦！

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。