今日 10:13

輪證贏家丨日經Call抵壘 睇好嘅換馬再追

講好隻恒指Put向下過唔到20天線嘅話就先收起保正數，同埋星期五過夜要過Weekend都真係唔多想，有食就食好過。

Day Trade嘅話喺作戰室上個星期五都Mark住五分鐘圖同小時圖嘅Slow STC(14.3)擺位本身都唔係好低，所以即日出淡倉都唔會玩得耐；只係無諗到反手好倉追到上26000點咁大顛啫。

還記得上個星期隻日經Call嗎?!今朝日經指數再創新高，依家香港時間9點21分去睇日本時間10點5分(即佢哋快我哋一個鐘但Delay 15分鐘)，日經最高見過60348點，升逾600點，喺日線圖上之前畫住嘅量度線守得到之餘，連條10天線都上過埋量度線。

再睇返上個星期隻Call，行使價係60000點，當然出Call時日經都未到60000點，而呢個係出Call嘅目標嚟嘅，所以嚴格嚟講上個星期隻日經Call已經達標，開市後收割亦都係可以。

同場喺作戰室亦都揀多一隻再遠少少嘅日經Call，方便戰友唔想對住港股嘅話，都仲有條創新高嘅日經開心吓。將行使價向上再推嘅話，係仲有一隻60300點嘅，但都一步到位咁款，唯有再向上移用(11072)，行使價63000點，同現價有約5.5%價外距離，今年9月到期都要留意一一下時間，而(11072)為同一行使價中屬高槓桿、低引伸之選。

講多兩講，到依家9點48分見條日經再向上升多200點，而港股亦由微跌1點開市後直插過百點，再倒升依家見升99點，報26077點，作戰室今朝中日兩邊都睇住，所以港股都係五分鐘之前先至開出好倉，睇吓10點後有無得借小時圖嚟再追到上保歷加頂線或更高嘅水平；今日重貨熊喺26100至26199點咋。

恒指牛(61894)，大膽少少用到市場上第三貼價嘅25718點收回價，同現價有剛好300零點嘅距離，所以槓桿有約78.67倍，真係格仔貨用，所以注碼上要留意一下。依家仲有4分鐘到10點，小時圖見指數企到20線為出好倉最低要求，出倉點可以用返五分鐘圖Slow STC(14.3)去睇，安全嘅等超賣觸底上可以，進取嘅，借到10/20線當用保歷加上升通道向上行嘅嚟出囉。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。 版權所有。