今日 10:58

輪證贏家丨恒指熊做住Day Trade先

噚日揀咗隻恒指熊(62128)出嚟，計劃做一趟Day Trade啫，由於呢期見指數日內波幅都好悶，所以揀咗隻比平時揀開嘅再貼價少少嘅產品。

估唔到噚日恒指終於都似返係人玩嘅走勢，先走後高噚日喺作戰室都做得到，久違了爬格仔嘅氣氛。而恒指熊(62128)亦都平均有16.87%嘅正數收到，由一 杯珍奶變返個下午茶餐啦！

美伊戰爭由2月底開始打到依家，每日霸佔所有國際版，金油股三市上上落落到依家個市場消化啲新聞嘅速度愈嚟愈快，台股噚日仲好似創新高，見36296點添！

今朝港股都做得唔錯，甫開市擺位都上返日線圖上嘅50/100/150線呢個三線阻力位，到依家仲有5分鐘先至10點，本身作戰室諗住捉指數出高開低走，但(截至依家為止)低走到26086點出平底，比50天線嘅26071點高少少接住後又再上過。順勢而行，變陣出好倉；10點未到指數向上反撲到上26200點樓上，戰友都已經爬咗格仔。

10點打後有見指數於26200點附近徘徊，但咁講，佢爬得返上去日線圖50/100/150線呢個三線位而又企得穩嘅話，咁由1月底高位28056點向下落到3月底嘅低位24203點呢條「下降通道」，應該告一段落嘅同時，反方向抽上由「平頂三角形」開始有條件出「上升通道」，如果上得番返去1月底嘅高位的話，咁「V型反彈」完成。

換個小時圖見，依家10點19分見指數於26215/26216點出平頂後稍為向下回落，如果以呢個小時圖嚟睇嘅話，係要準備定淡倉等睇佢同Slow STC(14.3)一齊向下走。

睇日線圖指數企唔企得到三線位之上依家都仲係偏早，借返小時圖嚟做Swing嘅話，恒指熊(67856)，收回價26638點，企高於重貨熊區26500至26599點，槓桿有約44.4倍夠做Day Trade。

依家10點24分見指數喺五分鐘圖向下過咗10線位，未到中軸線先借住今朝啲低位望住先，作戰室就係咁偷法。至於小時圖嘅話，少少冒險因為Slow STC(14.3)未確認轉向下，單純用個平頂+保歷加頂線頂住唔向上咁解，所以注碼上留意一下啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。