今日 10:28

輪證贏家丨日線「平底三角形」終於都破

上個星期四揀咗隻恒指熊(62095)，借10點後見到指數向下低走於小時圖嘅10線就出動，Mark住借小時圖20/50線做下方量度線，而喺下半場1點至2點時，於小時圖上見指數一粒燭仔就剛好穿過20線再落到50線位，恒指熊(62095)目標完成可以收割。

唔習慣將啲貨過夜純綷係個人習慣之外，亦係為咗唔想被假期時有啲咩消息左右到之後返嚟開市嘅表現而變成「無仇報」；而代價就係開市裂口同你係完全無關係。

今朝指數開市升600幾點，將喺日線圖畫咗成個Q嘅「平底三角形」條頂線終於都上破，向上再望嘅係日線圖50/100線，擺位大約261xx點水平；作戰室裏面今朝都先搶好倉做第一注，未用到261xx點做上方量度線咁有大志嘅，第一注往往都只係試住水溫、爬住格仔先嘅啫。

仲有11分鐘就到10點，小時圖上見指數凌空出現「十字星」，乜平均線都未掂到，而保歷加通道口拓闊，Slow STC(14.3)兩線於中軸水平有見向上，綜合呢個擺位都仲係好淡五五波。

但如果用五分鐘圖去睇嘅話，指數係開始有似出緊整條保歷加通道向上，咁指數同Slow STC(14.3)觸頂向下嘅Swing Trade有條數出現返，但暫時都只係借10線同保歷加頂線夾住指數行；再大方向睇住指數依家企於熊證街貨層。

恒指牛(69757)，收回價24900點，為目前市場最貼價牛之中最高槓桿，街貨有約10.18%還可以啦，進取嘅借五分鐘圖10線企得住而出動；安全嘅用返平時Slow STC(14.3)出觸底上行Swing而去好倉都可以嘅。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室