今日 10:57

輪證贏家丨250天線得而復失

噚日揀咗隻恒指牛(63482)出嚟，講明借五分鐘圖嘅10/20線，企得穩先至好出動，不過可惜等到指數落到10/20線都穿過，(63482)出唔到。

唔緊要，市日日都開嘅，甚至乎喺之後嘅下半場有見五分鐘圖Slow STC(14.3)出觸底上行而出動，剛好上多一次上半場嘅高25309點/小時圖50線後見返五分鐘圖Slow STC(14.3)出觸頂向下走人，咁又一注。

今朝恒指開市都只係跌68點，呢個幅度比早排嘅都算少，不過喺日線同小時圖上都見到指數係被兩條平均線夾住，而五分鐘圖SLow STC(14.3)則觸頂向下樣，所以作戰室先比出淡倉，短短地Mark住100點位做目標先。

依家10點20分，本以為100點目標到步之後，指數會企返喺線上做來回動作，但無諗過一下子向下穿埋再落；250天線噚日失而復得之後，依家得而復失。

作戰室淡倉仍然在手，而小時圖上亦見指數低走於10線，向下再落嘅話見20線啦喎，Slow STC(14.3)都出到觸頂向下。同平時一樣喺呢度用返小時圖做Trade嘅話，咁恒指熊(63560)，收回價25500點，同現價有約500點距離，槓桿有約46.4倍，為同一收回價中槓桿最高、低街貨之選。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。