今日 10:46

輪證贏家丨阿里牛借小時圖10線出動

噚日揀咗隻海油牛(69155)出嚟，如果玩快走一趟嘅話，如同平時Swing Trade好倉嘅做法一樣，10/20線借到再上而出嘅當係進取注；Slow STC(14.3)為之安全注出動。

但如果打算借日線圖10線兼伴隨油價上揚而繼續高走，即使EIA話放4億桶油出嚟頂住個需求，但今日見中海油股價再上，呢個遊戲都真係有排玩。

今朝起身見隔晚美股又冧700幾點，人家個底厚點跌都唔怕，但港股跌700點都真係叫股災。

依家10點18分，作戰室先淡後好兩注貨都已經出咗兼收起正數。而依家喺小時圖上見指數去到小時圖10線後未見再上破，而下方側有保歷加底線接住指數，變相依家係被兩條線夾住行；睇埋Slow STC(14.3)見觸底上行後都無乜上行勢頭，怪不得指數就咁就Hea咗喺度啦。

指數未有嘢睇，又走去八掛下啲個股。見阿里巴巴(09988)逆市造好，小時圖Slow STC(14.3)觸底上行明顯又上破咗10/20/50線三線位，一個「圓底」樣走咗出嚟。

不過保歷加通道口收窄中，極速嘅好倉上望保歷加頂線可以嘅；如果保歷加口有見拓闊嘅話，嘿，咁借埋Slow STC(14.3)睇到超買都有機。

阿里牛(55096)，收回價123元，槓桿有約10倍，距離安全都好重要，尤其是依家啲咁敏感嘅環境；記得借好小時圖10線做下方量度線呀！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。