2月27日 10:49

輪證贏家丨小時圖見三角形

噚日揀咗隻恒指熊(65318)，掟咗貨出去之後有見五分鐘圖Slow STC(14.3)觸底上，秉成住一貫做Swing Trade方法去做嘅話，(65318)都還小執正數；如果之後再出多次嘅話，咁你應該食得仲勁過我添!因為真正嘅Day Low喺下半場先至出現。

指數今朝開升66點後有見高開低走，不過五分鐘圖上見，指數低走到同噚日爭兩點出「平底」後有見回穩，抽上出下影線再變「錘頭」，再過10線再重上26500點，就這樣作戰室今日第一注好倉開始數格仔。

依家9點43分，小時圖上暫時都有出低位「身懷六甲」嘅形態，而Slow STC(14.3)兩線有似觸底上但未確認到嘅，雖然保歷加通道口有見收窄，但係咪至少可以話到比我知保歷加底線向上有限制到指數再向下落嘅空間。

仲有8分鐘先至10點，不過指數依家嘅高位已經高過咗噚日小時圖最後一支燭嘅高位，即「身懷六甲」不再但有咁嘅上行力度，怕嘅係出文後見指數上到小時圖10線前又收工啫。

終於等10線真係見指數向下再回，連10線掂都唔掂，有似出「三角形」物體。唉~ 都係Happy Friday算啦！

最後，由於SPDR金ETF(02840)喺噚日最後一個鐘失守小時圖10線，所以隻S金Call(21737)以最後一小時內走貨，小執5.19%可去買杯廢水飲下。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室