今日 10:11

輪證贏家丨重新聚焦於S金Call

噚日揀咗隻恒指牛(63253)出嚟，出文後有見指數向上再高衝到27100點樓上，但可借(63253)比作戰室更遲出，所以未能食到今朝最長最高嗰浸升勢。走得快嘅都還有格仔執到；見Slow STC(14.3)離開超買位向下先走嘅，反而要小輸幾格。但如果Hold到去下半場嘅話，咁應該實食無黐牙。

今朝起身驚訝嘅唔係《晴朗》班底病晒，而係隔晚美股跌成800幾點，主要係話美國總統特朗普再嚟搞個關稅，同步亦推高金價。

之前金價第一次闖每盎斯5000美元關口時都係咁推隻SPDR金ETF(02840)，不過當失守返每盎斯5000美金之後就無乜人再提起，甚至開始有話over 每盎斯5000美元都開始變火棒。Well，阿叔佢一日未落台，一日都仲大精力同個地球玩，咁睇嚟金可以做長線之外，隻(02840)都可以得閒拎返出嚟玩。

日線圖上見(02840)單位價格喺新年假期前後都貼住10/20線位置，噚日開始抽高，今日再嚟，Slow STC(14.3)兩線都於中軸水平向上高走，保歷加通道口亦有見拓闊。

換個小時圖亦都有情況相若，但要比多一個條件係保歷加通道口一定要保持拓闊，如果唔係依家已經超賣緊嘅Slow STC(14.3)就無辦法出到超買再超買。

當然，整條保歷加通道都向上嘅話，比返少少位條Slow STC(14.3)鬆下來，咁可以先留意住小時圖10線先，有見支持嘅先至出隻S金Call(21737)，行使價4058元，同現價有約10%價外距離，低引伸槓桿又吸引，幾好。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。