2月9日 10:59

輪證贏家丨冷吼銀河Call小注宜情

港股用咗7個交易日由高位28056點向下落到26295點，跌咗成1761點，日線圖上見指數落返去50/100線位。

望望鐘依家10點23分，恒指一度失守26900點後有見出下影線兜返上去。依家係見指數重上27000點樓上，五分鐘圖上見整條保歷加通道已經向上，指數的確有條件於保歷加頂線及10線之間內運行，但要留意嘅係Slow STC(14.3)兩線處於超買位，一旦五分鐘圖10線守唔住嘅話，指數同Slow STC(14.3)一齊觸頂向下嘅機會比較大。

作戰室依家好倉煲緊，我只係負責睇火。上方量度線都唔敢遠，都只係睇住2月2日嘅下跌裂口底部27100點。

至於個股方面，今日睇到隻比較冷門少少嘅銀娛(00027)，除咗有見佢股價突破之外，望望月曆下個星期都已經係農曆新年，又係呢類同旅遊、長假期相關嘅股價嘅旺季。

日線圖上有見之前銀娛嘅走勢都同指數行相反，今日更見借到10線抽高，小時圖上亦有見保歷加通道口拓闊，Slow STC(14.3)有條件出到超買再超買。

銀河Call(21986)，行使價50.05元，因為只係博衝一個假期前嘅部分，所以揀貨上以槓桿行先，而(21986)槓桿有約11.04倍，街貨亦低。

換返個五分鐘圖見Slow STC(14.3)兩線都上到超買位，而股價亦處於10線上。留意10/20線嘅支持力先，如果者穿就再等Slow STC(14.3)兩線落到超賣位先至出貨，即同平時做Swing Trade一樣。

小注好啦，因為都真係偏冷門架。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。