1月16日 10:47

輪證贏家丨等睇小時圖10/20線出支持

噚日揀咗隻恒指熊(59135)出嚟，出文時都已經先指數由272樓上向下落緊，五分鐘圖Slow STC(14.3)亦已經向下，(59135)槓桿都有約超過50倍計，借五分鐘圖嘅Slow STC(14.3)做Day Trade走一趟，平均都有15.2%正數執到。

呢期美股業績期開始，啲銀行股都陸績公布業績，公司業績造好亦令美股隔晚抽高，帶動埋港股今朝都抽上。作戰室即使今朝都Plan定出好倉，但都先借小時圖噚日平線位/保歷加頂線位，估唔到一開即到，變相搶淡倉成為今日第一注。

「會唔會又係上到27000點樓上之後，最後都係企唔到喺27000點收市架?!」咁呢個要4點收市後先知，依家9點42分，見指數高開高走後回返落去今朝開市位，再穿埋，咁作戰室都索性淡倉出去算。

再睇小時圖都有見指數於高位行出「射擊之星」出嚟，但呢個樣未定嘅，因為依家都只係9點46分啫，Slow STC(14.3)兩線亦保持勢頭向上。

相信出得文再睇完者已經係10點後嘅事，仍然留意住指數高開高走後下行落返小時圖10/20線位之後見唔見支持。

假如到出文後你睇完見小時圖10/20線守得住指數嘅話，恒指牛(53861)，收回價26608點，同現價有約480點距離，槓桿有約60.2倍為市場上第二高槓桿牛證，所以，一旦見到小時圖10/20線無支持嘅話，咁就唔好出啦；反過來借五分鐘圖Slow STC(14.3)做Swing Trade觸底上又唔反對嘅。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室