1月14日 10:43

輪證贏家丨無方向零動作

噚日因為見出文時，指數同五分鐘圖嘅10線開始靠近，於是揀咗牛熊各一出嚟，睇吓指數過唔過條10線。最終見到嘅係指數低於五分鐘圖10線，所以係恒指熊(54404)出動。

睇嚟27000點似乎落咗毒，指數一到即中毒，全日指數幾乎下行，都真係有擔心過佢會唔會痴線到補返個開市裂口。

噚日收市後喺作戰室都有Mark住小時圖嘅10線，講好若然今日指數守得住10線位嘅話，咁喺小時圖上面就有條件可以Mark住指數喺小時圖嘅保歷加頂線同10線之間運行，如是者Slow STC(14.3)亦都會順返個勢兜返上去。

今朝恒指開升123點，報26971點，彷彿拎住碌大柱去撞擊27000點呢度大門；雖然指數勢強，但面對又要過一個千點關口位時，小心啲無壞嘅。

果然，Plan定去好倉追佢再上都係無用。指數一嚟就高開低走，等咗五分鐘之後作戰室攻決定變陣以淡倉作為今日嘅第一注掟出，都係用住五分鐘圖最近嗰條10線睇住先。

10點後有見指數落到五分鐘圖10線，淡倉先走爬咗第一注格仔先。但暫時都有見指數卡住喺級位，有少少唔上唔落。

等到依家10點26分都只係見指數重新hea返喺五分鐘圖10線之上，計過暫時高低位得133點，本身見指數重上五分鐘圖10線而畫定嘅圓底博回，個圓底都變橫線咁滯。

恒指係咪早兩日抽插完之後太攰? 係嘅話你今日瞓啦!

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室