昨日 10:58

輪證贏家丨恒指牛借小時圖中軸出動

上星期五(1月9日)揀咗隻恒指牛(65182)出嚟，出文前已經畫住五分鐘圖「小圓底」生成頸線；但可惜出文後頸線見阻力，指數向下唯有用返平時常做嘅Swing Trade方法:見五分鐘圖嘅Slow STC(14.3)觸底上行先至出隻(65182)；再Hold到Slow STC(14.3)浮返上超買位時走人。

呢注好倉幾格執到無問題嘅，問題在於時間啫，下半場都咪話唔悶，還好去到3點絨時終於都見到五分鐘圖嘅Slow STC(14.3)上到超買位，甩隻(65182)又平均收13.33%。

今朝有見指數開升145點，報26376點。已經喺小時圖上面畫定啲裂口等佢向上補，但一開市就選擇向下挫落去，五分鐘圖上見到支「超大陰燭」都唔敢追入去做淡，因為同步見下方都有平均線可能可以接得住指數。唯有等到確認指數高開低走後，借線回穩再上先至出好倉；本身Plan定都係出好倉嘅，只不過唔係開市後即追，係等多10分鐘多啲先至出手啫。

恒指牛(64453)，收回價25854點，同現價有約450點，槓桿約47倍夠做Day Trade，而呢隻(64453)亦都係同一收回價+低街貨堆中屬最高槓桿。

依家10點20分見指數都有幾次喺26300點之間徘徊，守得穩嘅今日或者都係用(64453)做下Swing Trade好啦，所以如果出文後見到五分鐘圖Slow STC(14.3)有出觸頂向下嘅話，咁就唔好出隻(64453)啦。

呀~!題外話一下先， 仲記唔記得上個星期隻S金Call(021117)呀?!有Mark住借SPDR金ETF(02840)嘅10天線嚟做下方量度線嘅。上個星期8號有一度穿過但最後出下影線啫，如果隻貨你仲守住嘅話，今朝8點幾新聞都話金價做緊新高見每盎斯4580美元，隻(021117)自己處理啦喎，大個啦！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。