1月6日 11:23

輪證贏家丨恒指牛要考慮再上動力

噚日揀咗隻S金Call(21117)出嚟，以借日線圖10線作為出(21117)嘅條件，無Set到上望目標，只係Mark住日線圖20線作為下方量度線，風險管理始終都係要行先嘅。

噚日恒指都真係唔多願郁，上到263/264之後都只係喺高位徘徊，唔通係大家都仲未放完假，仲未埋位?!作戰室喺下半場勉強只係出咗一注貨，但最後都係搵到個Exit位走人算，唔參與都好似無乜損失。

至於隻(21117)係有條件過夜，甚至再hold耐少少嘅。

依家9點15分，恒指行緊U盤時見期貨上到265樓上，作戰室今朝早揀淡倉都大步啲，借返上年11月13日高位27188點嚟做上方量度線；同時亦見今日牛熊證街貨圖上，第一層牛證街貨25800至25899點呢層係今日新增層，但都已經儲到上過千張期指街貨，即使今日港股未至於好似道指咁創歷史新高，但呢個裂口都已經夠過夜貼價牛食飽。

至於隻(02840)都有見造好，雖然喺Threads見委內瑞拉嘅市民歡呼，但避險情緒升溫之下，金價亦見推升。

作戰室今朝都Plan定順U盤方向走，指數開出嚟口價已經將第一層熊證街貨26400至26499點全數收回，但有肉食嘅係由第二層起計。

開市15分鐘昂未夠就已經見到指數上到26600點樓上，即係開始食肉啦。

恒指牛(64453)，收回價25854點，同現價有約850點距離，呢層係重牛位但亦都係最貼價嘅牛證位，所以點都要揀隻低街貨嘅出嚟。

不過依家10點29分，我老媽剛剛上嚟放低啲物資又同我家肥貓玩咗陣之後，剛剛送佢出門口再睇返個市都仲見到267喺度，但今日之內仲有無力上都要考慮一下。所以，借一借五分鐘圖嘅10線，如果指數仲守得住五分鐘圖嘅10線向上走嘅話，咁先至出隻(64453)。

至於隻(21117)，繼續用住日線圖10線做下方量度線啦，幾時食都可以啦，反正都正數囉；如果用返一貫Swing Trade做法，咁就當借到中軸後向上走，Slow STC(14.3)到返超買位/單位價格升抵到保歷加頂線。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。 版權所有。