今日 12:17

【輪證贏家】借五分鐘圖STC做Swing

上星期有提到，手持輪嘅因為長假期關係，會受到時間值損耗影響，所以如果要選擇用輪(Call/Put一樣)，就要揀隻長期輪，即係到期日同依家最少都有6個月或以上嘅距離。

上個星期喺呢度揀嗰隻S金Call講緊係2027年先至到期，所以揸住過呢四日假期就無問題啦；而如果你係直接買咗SPDR金ETF(02840)嘅話，當然更加無事啦，因為根本無時間值嘅問題存在添。

望望鐘剛好9點20分，恒指開升109點，報25928點，但見到期貨嗰邊指數有推到上26000點樓上，又呢口開市價已經踩住熊證第一層街貨，所以喺作戰室都叫大家先追好倉一注到26000點樓上之後散水；同步亦有戰友喺高位出淡倉，博26000點企唔穩；雖然方向唔同，但最終大家都只係偷幾格正數。

依家10點5分，26000點預咗都係信唔過，同步已經五分鐘圖整條保歷加通道己經橫向，作戰室亦開始變成借五分鐘圖保歷加頂線同10線之間做Swing Trade，所以剛剛指數向下落返去10線時，作戰室淡倉隊亦收隊，再來等睇10線接唔接得住指數，接得住就反番上去。

恒指熊(55663)，收回價26400點，暫時見指數最高(截至10點9分止)做過26082點，迫多次上26100都棄船啦，(55663)同現價有約344點距離，都係用嚟做Day Trade，槓桿有約63.6倍又4%街貨唔夠夠晒低。

依家10點11分，五分鐘圖上見指數向下落到10線以下位置，Slow STC(14.3)兩線亦都有見觸頂向下回返落去中軸水平，作戰室借緊10線做上方量度線守住淡倉，爬格仔mode嘅就追博五分鐘圖嘅Slow STC(14.3)落返去超賣位。
就係咁簡單嘅Swing Trade啫，但如果出文後見個勢都轉晒方向嘅話，咁咪等下一輪先至出囉。

啲線咪又係來來回回咁走，急咩啫。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。