昨日 10:40

【輪證贏家】恒指先借小時圖50線

噚日揀咗隻恒指好倉出嚟，本身諗住借小時圖博指數再上行殺熊，不過如果出文後再到你睇完已經見到指數無力再上嘅話，借恒指好倉嘅槓桿嚟用五分鐘圖Slow STC(14.3)做返一趟Swing Trade，都係可以嘅。

10點後已經見到指數喺五分鐘圖上出咗平頂，連同Slow STC(14.3)一齊向下落，所以如果要用隻恒指好倉嚟做返五鐘圖Slow STC(14.3)做返一趟Swing Trade，咁就要等到11點15分左右。

等咗到下半場嘅1點50分先至見返五分鐘圖嘅Slow STC(14.3)出觸底上至3點後打終於見到Slow STC(14.3)上返超買，可惜指數幅度都不如上半場，恒指好倉都係要輸兩格。

呢幾日恒指嘅波幅實在太細，大家都只係集中火力玩個上半場之後，下半場就可以做其他嘢，所以噚日收市之後都忍唔住喺作戰室同戰友們睇咗個VHSI，唔睇由自可，一睇把幾火，VHSI已經落到去得返17呢個位，被壓到咁都仲咁細波，係咪一到12月就放假啦喂?!

依家9點54分，作戰室今朝Plan定淡倉做Day trade，純綷係順U盤方向兼向近嘅街貨方向走，未係一開市即追嘅，因為都想比個機會佢睇下26000點救唔救得返。

10點未到已經有戰友先食咗隻淡倉收正數，無問題呀，之後都係返回工作崗位啫，而10點後見小時圖都由20線落到50線前，但似乎個樣未會穿呢條線住。

五分鐘圖上見開始整條保歷加通道向下落，Slow STC(14.3)兩線出觸底上，借保歷加底線同10線之間先做Swing Trade嘅話，咁即係先用好倉。

恒指牛(68739)，收回價25550點，同現價有約350點距離，槓桿有約58.9倍，為同一收回價中槓桿最高嘅牛證，用小時圖50線做下方量度線，快Swing Trade一趟的話，咁五分鐘圖嘅10線都留意住先，如果指數過唔到嘅話，窄位再上落出乜倉都無乜。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室