昨日 10:38

【輪證贏家】恒指牛攻27000點?!

噚日揀咗隻恒指熊(56840)出嚟，亦如噚日大題所指試捉小時圖STC轉角位。

只不過(56840)槓桿比較高，所以用嚟借五分鐘圖做Swing Trade一趟嘅話都係可以嘅，用邊個玩法就視乎你自己嘅偏好同時間。

不過，無論係邊種玩法都好，都只能夠喺指數下降通道中段位置先至出到倉；同作戰室今朝開市見高位「十字星」已經掟貨出去，係有距離。Anyway，以呢度出隻(56840)計都執到一成正數，都算係咁啦！

睇住何詩蓓全運預賽輕鬆以第一名出線嘅同時，亦留意住恒指完U，開升58點，雖然點數唔算多，不過喺作戰室噚日收市時用個小時圖畫定咗個「圓底」，睇佢會唔會過頸線。今朝呢口開市價確認過頸線，所以作戰室第一注出好倉借頸線踩上去。10點未到再入第一層熊證街貨。

坦白講恒指呢個勢有似攻上27000點，但除咗係博指數向上再殺熊證街貨之外，或者要等明日騰訊(00700)等科技股出業績嚟助佢一把先至有戲睇。

10點後作戰室注好倉攻到上26900點後都陸續收工，唔係要放棄爭一級嘅重熊區，只係怕佢爬到上咁高，先收割保正數，再等啲技術指標放鬆一下先至再追。

恒指牛(67954)，收回價26485點，同現價有約360點距離，槓桿約51.6倍，夠做Day Trade架啦，只不過係現價再硬追嘅話，係博技術指標繼續出超買再超買咋。

安全嘅都真係等一等指數喺五分鐘圖上回一回落10線或者Slow STC(14.3)放一放鬆之後先至再追，望就望佢可以借得到五分鐘圖嘅保歷加頂線同10線之間Swing住向上運行，咁就比較穩健啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。