10月28日 13:33

【輪證贏家】小時圖STC太高啦~

噚日無揀到貨出嚟，皆因見五分鐘圖&小時圖都出現技術分析VS街貨嘅情況，同時又見小時圖上指數都定住喺高位橫行，所以最多都只係喺五分鐘圖上做一啲爬格仔嘅Swing Trade。

果然噚日恒指裂口高開之後，幾乎全日都貼住26400點附近小幅走動，五分鐘圖如同畫行一樣，小時圖上見指數亦定住喺高位橫行，無方向做乜都無用。

今朝恒指再來高開低走，少少似噚日個pattern，依家9點44分，指數向下再落到26379點，跌53點。

換個小時圖上見，噚日到依家Slow STC(14.3)都係貼住天花板行，不過見保歷加通道整條有趨向上，所以一早喺作戰室裏面mark住小時圖嘅保歷加頂線同10線，畫住指數喺呢兩條線嘅範圍上落，故今朝第一注喺作戰室出嘅係淡倉，就借小時圖10線做目標。

10點後有見指數於小時圖上住企於10線企。不過，Slow STC(14.3)真係會頂咁耐喺天花板? 確實係值得壞疑。

依家10點13分，五分鐘圖已經見指數於100線上有支持，伴隨Slow STC(14.3)都已經觸底上返。借五分鐘圖嘅Slow STC(14.3)/保歷加通道頂底線做Swing Trade可以；不過我始終都忌一忌小時圖嘅Slow STC(14.3)，太高啦...

恒指熊(67536)，收回價26850點，同現價有約480點距離，槓桿有47.9倍，低街貨&活躍都係佢賣點，稍等一下五分鐘圖Slow STC(14.3)觸頂向下，或者進取嘅見五分鐘圖中軸已經做阻力線先至出動。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。