今日 10:41

【輪證贏家】Popmart愈跌愈熊

噚日喺呢度無揀貨，的確係想等小時圖20線過唔過，又怕方向錯嘅話，小時圖set嘅止蝕位都唔會近得去邊。所以都索性只係喺作戰室玩淡倉，至少打個msg快過出多篇文。

今朝完U之後如常喺作戰室睇圖同mark定一啲量度線位，明明自己喺三個唔同時軸嘅圖上面mark住咗四條位置相約，容易記mark住25800點呢個位睇出唔出咀力架嘛，激鬼氣今朝一開市見低開高走轉升過埋25800點之後自己按奈不住走去追！真係白痴！結果見指數醒到25871點(截至10點6分)高位之後指數向下回返落去，過返今朝開市位先嚟做返原先諗住要做嘅嘢，即係出淡倉。還好10點後指數一度向下壓到落25602點，心算都有大約100點水位，係少咗但至少正數先啦。

小時圖上亦被今朝過25800點向上衝中軸fake咗，結果依家得條上影線喺度。

雖然作戰室淡倉進行中，但都時常提住戰友們目前小時圖嘅Slow STC(14.3)係處於超賣位，但保歷加通道口係收窄中，所以佢都真係隨時會有見觸底。

不過，隻泡泡瑪特(09992)就真係好似唔識停咁，由上星期四五(10月16日及17日)291元水平出「平頂」之後向下落到依家連240蚊都失埋，日線圖上見Slow STC(14.3)嘅%K線落到超賣位，而保歷加通道亦被今日支大陰燭推到見拓闊，150線亦告失守，唔通Lisa抱Labubu嘅棚已拆?!

泡特熊(58910)，收回價288元，市場上最貼價熊證，槓桿有約4.3倍，低街貨都係一個賣點。

暫時小時圖有見佢出咗下影線，的確有可能喺今日稍後嘅時間出現觸底。換個再快啲嘅五分鐘圖Slow STC(14.3)都準備觸底，留意10線位過唔過先啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。