昨日 10:39

【輪證贏家】深度調整完成未?!

上星期五(10月10日)揀咗隻恒指熊(58811)出嚟，計劃借五分鐘圖有見10線唔過指數向下落嘅話就出動，睇吓會唔會再向下行殺牛證街貨。

不過，以出文後到睇完文時應該都會見到指數向上高走於五分鐘圖10線，唯有重新等待至大約10點50分重新向下落多一次，再比多五分鐘時間嚟確認Slow STC(14.3)未到超賣就轉向下而出貨。

當然，出現後指數都唔係一步即到重貨牛向下殺過去嘅，反方向借返10線，見保歷加通道開始收窄時，最多最多借埋中軸線，指數於保歷加下降通道裏面對淡倉都有利。

下半場有見指數向下穿過26300點，變相牛證首兩層街貨全數被收回，2000幾張期指街貨收夠籌(58811)都唔留Lu~ 當然，如果有再hold住隻淡倉的話，爬嘅格仔係多啲嘅，但係..簡單啲，目標為本，見好就收。

但如果你呢注淡倉過夜嘅話，有無少少想多謝Donald Trump?!今朝指數開市跌逾600點，日線同周線所有量度線都無晒，作戰室戰友們紛紛將啲過夜淡倉收割，而即日Day Trade嘅就好倉出動，除咗係因為見Donald Trump之後再喺X出Post之外，喺完U後至未正式開市中間嗰10分鐘時間，喺作戰室mark住幾個位，等指數落到之後如果有得守住嘅，捉指數低開高走，順便假設佢深潛完成。

不過，呢件事反映事比市場知，其實貿易戰呢單嘢係未完架，隨時有新消息出現嘅話，都可以震散個市，唔同嘅係，市場會吸收/學習之前嘅情況；正如有喺《今際之國》玩Joker遊戲都唔係之前咁冒摸摸。所以你見今日低開高走之後，依家10點14分指數都未有再見瘋狂深插。

換個小時圖出嚟見指數暫時(截至依家10點21分止)有出平底，少少嗰種大跌市執雞好倉，反叛心態做同大市相反風向Trade嗰種要「型」嘅感覺又浮咗出嚟啦。

恒指牛(55508)，收回價25278點，同現價有約370點，低街貨中都有49.3倍槓桿，夠做Day Trade。

依家10點27分，指數開始慢慢重新爬返上25800點附近，安全嘅確認爬得到先至出啦，好歹呢個位都係50線嘛~

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室