9月30日 10:42

【輪證贏家】恒指爬高賀國慶

噚日揀咗隻恒指牛(56740)出嚟，Mark住借小時圖20線過到之後就出動；企得到上50線就更好。

可能喺10.1國慶前效應，出倉後指數都仲係喺50線上穿插，咁下方20線仲接得住就由佢啦。去到下半場點半打後指數發力再向上推高至過埋26600點，首兩層熊證街貨全數被收回之外，作戰室下半場亦再將好倉收割。

至於隻(56740)，因為借小時圖出嘅，所以用返小時圖去做Trade。喺下半場2點打後見指數完全企高於50線，Slow STC(14.3)兩線亦上到超買位，符合(56740)當初出場嘅目標，而Slow STC(14.3)出超買嘅情況去到4點，以唔過夜計嘅話，變相呢段時間幾時走隻(56740)都可以。

今朝睇新聞見到有條艦嚟緊香港，望望月曆聽日就10.1國慶假期，港股放一日紅日，但A股連埋下個星期中秋就放到下個星期四(10月9日)先至開市，所以喺星期四至下個星期三(2日至8日)期間係無南北水。

如噚日喺新城所指，可能係因為國慶高興嘛，所以港股都要靚靚仔仔咁過節日，噚日恒指一度升過500點，今日指數再追多次，開升51點之後即時起步跑，依家9點42分，指數暫時高位見過26833點，首兩層熊證街貨全數被收回。

不過，喺小時圖上見指數有似高位出「射擊之星」，作戰室今朝都仲係出第一注好倉試今日市水溫，但見頭兩支燭都有上影線出現，格仔都數咗佢先。

10點後有見指數喺小時圖上出咗長上影線，而Slow STC(14.3)又見觸頂，出淡倉橏啦，係咪?!之但係喺五分鐘圖上又見指數同10線有似借得住，Slow STC(14.3)於中軸水平有似兜底向上走...

怕且今日都係用五分鐘圖做Swing，不過A股長假期前夕，唔知港股會有幾悶啫。

作戰室追緊第二次好倉，但都係爬格仔架咋！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室