9月26日 13:33

【輪證贏家】借返小時圖搖落去

噚日喺呢度無揀到貨出嚟，皆因打緊文嗰時等極都未見到指數出到一個方向，喺五分鐘圖上面仲出咗個「平頂三角形」。喺去到大約11點打後先至先到指數向上做突破，上到26600點以上，先將熊證第一層街貨26500至26599點嘅熊證收回。

以為指數繼續上?!喺下半場見指落返去26400點附近。換個小時圖上見，前日至噚日合共有七粒燭都坐住喺小時圖50線以上位置，去到噚日最後一個鐘終於都向下落。

今朝恒指開市見向下再跌多200幾點，借小時圖做觸頂向下Swing嘅話，未到番保歷加底線時，指數已經將牛證首兩層街貨全數收回。所以作戰室本來都準備定淡倉掟出去，但及至開市後喺五分鐘圖上第一粒就出咗Hammer，嘿，動快作嘅反手好倉追上都小心小時圖條中軸線。

10點打後本身諗住指數會有個方向走到出嚟，但目前仍然處於小時圖20/100線之間，純靠Slow STC(14.3)向下而出淡倉的話，第一件事應該好快會撞到100線位，穿得過向下再落咁就真係好似之前借小時圖保歷加底線抽到上頂線咁樣行一趟Swing Trade。

恒指熊(60831)，收回價26648點，宣現價有約410點距離，槓桿有約59.6倍。未知到出文之後指數會唔會都仲係喺小時圖20/100線中間浮沉中，但如果方向有出嘅，小注一追無妨；而如果用佢嚟做即日Swign Trade一趟嘅話，佢嘅槓桿都夠做架！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。