9月11日 10:25

【輪證贏家】借好小時圖中軸

噚日再揀咗隻恒指牛(55565)出嚟，安全策略就係等返五分鐘圖10線有支持先至再出，或者用返五分鐘圖嘅Slow STC(14.3)喺超賣有見觸底上先至出動。

出文之後有見指數向下穿過五分鐘圖嘅10線，再踩到落到20線，同步Slow STC(14.3)兩線亦往超賣方向走，唯有安心靜候。

及至11點5分，指數借到20線支持並重新上埋10線，至於Slow STC(14.3)兩線雖然未曾落到20以下嘅超賣位，不過轉勢向上亦見明顯，(55565)送佢出場再等返個26200點埋嚟埋嚟。

基本上如常用嗰10分鐘作為買入時間嘅話，買完之後262已經埋咗嚟，keep住用返Slow STC(14.3)搖返上超買位嘅話，咁喺上半場完前10分鐘已經可以開得糊。

帶貨過Lunch其實無問題，皆因拉到盡用Slow STC(14.3)上到超買而未見觸頂向下，同時指數係之後嘅時間再見日內&四年新高，Hold住喺天花板數住格仔都可以。只要喺五分鐘圖上見到Slow STC(14.3)離開超買位時走隻(55565)，呢一趟正數點都有。

指數再撲高位，今朝返嚟見熊證街貨坐滿晒人就知咩事，而指數亦裂口下行先落返去26000點以下位置，作戰室今日第一注出淡倉，順勢住返住指數向下走。依家仲有4分鐘就10點，等睇嘅係小時圖條中軸接唔接得住指數。

10點後見指數仍然處於小時圖中軸線之上，不過保歷加通道口有見收窄同時Slow STC(14.3)保持向下中。原先喺小時圖上Mark住借保歷加頂線同10線運行，但依家唯有借到落去保歷加上升通道去做啦。

所以，小時圖20線Lock得好嘅話，恒指牛(55762)，收回價25633點，同現價有約320點距離就知係Day Trade用，槓桿有約61.8倍，係全場最貼價牛之中最高槓桿&最活躍；呢隻嘢今日新上市所以未有街貨record。

記得借好小時圖中軸線喎。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室