昨日 10:44

【輪證贏家】S金Call稍等先入

轉眼間又嚟到學生開學嘅日子，不過我識嘅細路大部份一早已經返緊學，最開心嘅莫過於一班家長，暑假過後到返家長放假。

睇返個恒指日線圖，由4月初特朗普宣布向全球徵收關稅之後嘅冧市低位19260點起至上星期一(8月25日)高位25918點，指數喺五個月時間裏面累升返6658點/34.6%，成條上「上升通道」都畫得好公正。

喺去到上個星期，指數上到26000點前終於都見到有少少腳軟嘅情況，雖然50線都仲接得住，不過都仲係比較關係10/20線&「上升通道」。

今朝返嚟如常喺作戰室同戰友睇個牛熊證街貨圖見24700至24799點呢層牛證啲街貨多到有成2000幾張期指街貨，雖然呢啲位都係慣常向街貨方向打，但開市升嗰400幾點都已經夠位比呢堆過夜牛割禾青。

過咗開市首10分鐘之後，作戰室先開出第一注淡倉，純見五分鐘圖上見指數第一粒出咗「射擊之星」，不過25500點呢個位似乎都lock得好實，格仔有數都先走。

趁指數喺25500點玩上落時，去隔離個股望下發生咩事，美團(03690)喺100蚊附近、阿里巴巴(09988)力撐大市、Popmart(09992)亦見沽壓。

然而，9月大家關注莫過於美聯儲係咪如期減息，刺激現貨金價企穩在每盎斯3400美元樓上，見逾一個半月高位；同時美銀同瑞銀亦發表報告唱好金價，前者料明年上半年將觸及每盎斯4000美元；後者者則預計明年6月和9月達到每盎斯3700美元。

金價造好，帶挈埋隻SPDR金ETF(02840)上行。不過，依家10點19分見2840於高位出上影線/「射射之星」(10點未完所以未確認)有見回落，即使出隻S金Call(16316)，安全嘅都可以稍等一下先至出，可能喺五分鐘圖上回返落去10線，甚至是SLow STC(14.3)見返超賣先。

(16316)行使價為2889.88元，同現價都有成16.43%價外，出年1月到期算中期，槓桿14.49倍而引伸亦都相對地低，所以11.14%街貨...Ok啦其實真係唔多。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。